Дар Муассисаи давлатии Осорхонаи миллӣ ба ифтихори Рӯзи Президенти Ҷумҳурии Тоҷикистон ҳамоиши илмӣ-фарҳангӣ таҳти унвони “Президент - ҳомии манфиатҳои миллӣ ва кафили зиндагии шоиста” баргузор гардид.

Дар ҳамоиш вакили Маҷлиси намояндагони Маҷлиси Олӣ Гавҳар Шарофзода, узви Иттифоқи нависандагони Тоҷикистон Ато Ҳамдам, директори МД Осорхонаи миллӣ Зафаршо Иброҳимзода, муовини директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода, муовини раиси Иттифоқи ҷавонони Тоҷикистон Умед Раҳимзода иштирок ва суханронӣ намуданд.

Зикр гардид, ки муҳимияти таҷлили Рӯзи Президенти Ҷумҳурии Тоҷикистон дар он аст, ки мо бояд фаъолияти пурсамару ибратбахши Пешвои миллат муҳтарам Эмомалӣ Раҳмонро қадр намоем. Зеро маҳз ба шарофати сиёсати муваффақонаву боровар, талошҳои пайваста дар роҳи ободиву осоиши Ватан, азму ҷасорати қавӣ, арҷгузорӣ ба таърихи пурғановати миллати бостонии тоҷик ва ташаббусҳои созандаву некбинонаи ӯ ҷомеаи ҷаҳонӣ ба Тоҷикистон бо нигоҳи боэътимод назар дорад.

Амони МУҲАММАД, “ҶТ”