Прокуратураи генералии Ҷумҳурии Тоҷикистон ва сохтори он дар маҳал дар нимсолаи аввали соли ҷорӣ вобаста ба самтҳои назорати прокурорӣ 4342 санҷиш гузаронида, аз натиҷаи онҳо 2481 парвандаи ҷиноятӣ оғоз кардааанд.

Дар ин бора Юсуф Раҳмон, Прокурори генералии Ҷумҳурии Тоҷикистон дар нишасти матбуотии худ рӯзи 15-уми август хабар дод.

Ӯ гуфт, ки дар доираи ин парвандаҳо 38 893 нафар ба ҷавобгариҳои интизомӣ, моддӣ ва маъмурӣ кашида шуда, 773,9 млн сомонӣ зарар барқарор карда шуд, ки аз ин 273,7 млн сомонӣ ба манфиати давлат мебошад.

Инчунин, номбурда қайд намуд, ки дар ин давра ба мақомоти прокуратура 18 ҳазору 444 муроҷиати шахсони воқеӣ ва ҳуқуқӣ ворид гардида, 1438 ё 27,3% -и онҳо қонеъ карда шудааст.
Ба қавли Прокурори генералии кишвар дар ин давра дар ҷумҳурӣ ҳамагӣ 11 612 ҷиноят ба қайд гирифта шудааст, ки нисбат ба ҳамин давраи соли 2022 - 870 ё 6,9% кам аст.

Яҳё МАҲМАДНАБИЕВ, “ҶТ”