Ҷинояти одамкушӣ дар Тоҷикистон тамоюли камшавиро гирифтааст. Дар ин бора имрӯз - 16 феврал Юсуф Раҳмон, Прокурори генералии Ҷумҳурии Тоҷикистон зимни нишасти хабарӣ иттилоъ дод.

Ӯ гуфт агар соли 2022 дар Тоҷикистон ҳамагӣ 108 ҳолати ҷинояти одамкушӣ сабт шуда бошад, пас ин шумора дар соли 2023 ба 51 мерасад, ки 57 ҳолат кам аст.

Ҳамчунин, ба гуфтаи Прокурори генералӣ дар умум сатҳи ҷинояткорӣ дар кишвар як соли охир кам шудааст.

“Соли 2023 дар ҷумҳурӣ 21319 ҷиноят ба қайд гирифта шудааст, ки ин нисбат ба соли гузашта 1162 ҳолат кам аст. Аз ҷумла, ҷиноятҳои одамрабоӣ 39 ҳолат, қасдан расонидани зарарӣ вазнин ба саломатӣ 8 ҳолат, роҳзанӣ 19 ҳолат ва ғоратгарӣ 25 ҳолат аз ҷониби шаҳрванд кам шудааст” - гуфт Юсуф Раҳмон.

Наҷиба МУРОДБЕКОВА, “ҶТ”