Ба муносибати 30 - солагии Истиқлолияти давлатии Ҷумҳурии Тоҷикистон ва Рӯзи кӯдакон дар муассисаи таҳсилоти миёнаи умумии №9 – и ноҳияи Рӯшон мулоқоти раиси Кумитаи иҷроияи Ҳаракати Ваҳдати миллӣ ва эҳёи Тоҷикистон Рудобаи Мукаррам бо ятимони кулл ва хонандагону омӯзгорони муассиса доир гардид.

“Шахсони имконияташон маҳдуд ва ятимону бепарасторон пайваста дар меҳвари таваҷҷуҳи Роҳбарияти олии кишвар қарор доранд. Пешвои муаззами миллат муҳтарам Эмомалӣ Раҳмон баҳри маърифатнокӣ, соҳибкасб намудан ва бо шуғлу кор таъмин кардани қишрҳои ниёзманди ҷомеа тамоми кӯшишҳоро ба харҷ медиҳанд”, – афзуд, Р. Мукаррам.

Дар охир ба ятимони кулл туҳфаҳои хотиравӣ тақдим шуда, сипас раиси кумитаи болозикр ва гурӯҳи кории Ҳукумати кишвар бо ҳадафи идома додани суҳбату мулоқот ба ифтихори 30 – солагии соҳибистиқлолӣ ба деҳаҳои дурдасти водии Бартанг сафар намуданд.