ҶОМЕА
Душанбе 20 Май 2024 12:46
9778
16 ноябр дар толори Театри мусиқию мазҳакавии ба номи М. Назарови шаҳри Хоруғ ба муносибати Рӯзи Президент ва 31-умин солгарди Иҷлосияи таърихию тақдирсози 16-уми Шурои Олии Ҷумҳурии Тиҷикистон чорабинии бошукӯҳи фарҳангӣ баргузор гардид.

Қабл аз оғози чорабинӣ роҳбарияти вилоят ва ҳайати расмӣ аз намоиши расму мусаввараҳои ғолибони озмуни “Расми беҳтарин”, ки дар ростои Рӯзи Президенти Ҷумҳурии Тоҷикистон бо ташаббуси МИҲД ВМКБ роҳандозӣ гардида буд, дидан карданд.

Зимни ироаи сухани шодбошӣ, раиси вилоят Мирзонабот Алишер Худобердӣ ҳозиринро бо санаҳои зикргардида табрику таҳният гуфта, аз рӯзҳои аввали соҳибистиқлолии мамлакат, минҷумла давраи душвори ҷанги шаҳрвандӣ, нақши Иҷлосияи 16-уми Шурои Олии Ҷумҳурии Тоҷикистон дар барқарории сулҳ ва корнамоиҳои Пешвои миллат муҳтарам Эмомалӣ Раҳмон баҳри сарҷамъ намудани миллати тоҷик ёдовар шуд.

Дар идомаи чорабинӣ ғолибони озмунҳои “Расми беҳтарин” ва “Иншои беҳтарин”, ки аксарашон наврасону ҷавонон буданд, бо Ифтихорнома, туҳфа ва мукофотпулии раиси ВМКБ сарфароз гардонида шуданд.

Сипас, аҳли ҳунару санъати вилоят бо барномаи ҷолиби консертӣ хотири ҳозиринро шод гардонданд.

Садоншо ҶАНОБИЛШОЕВ,
“ҶТ”

Эзоҳи худро нависед



Рамзҳо дар расм