ҶОМЕА
Ҷумъа 19 Апрел 2024 02:53
Раиси Кумитаи давлатии амнияти миллӣ дар Ҷумҳурии Тоҷикистон, доктори илмҳои сиёсатшиносӣ ва Узви вобастаи Академияи илмҳои Ҷумҳурии Тоҷикистон Саймумин Ятимов дар Донишгоҳи давлатии Хоруғ (ДДХ) ба номи Моёншо Назаршоев бо зиёни ВМКБ ва ҷавонони мамлакат мулоқот намуд.
Инчунин дар вохӯрӣ ректори донишгоҳ, профессор Шермамад Ҷонмамадов, роҳбари Ситоди байниидоравӣ ва таъмини амният дар вилоят Абдураҳмон Аламшозода, муовини аввали раиси вилоят Алишер Мирзонаботов, олимону омӯзгорон, донишҷӯён ва дигар шахсони расмӣ иштирок намуданд.
Нахуст роҳбарияти ДДХ роҳбарияти КДАМ ва меҳмононро ба донишгоҳ хайра мақдам гуфта иброз дошт, ки ҳоло дар тамоми кишвар фазои тозаю озоди бунёдкорӣ ва созандагӣ мавҷуд буда, дар ин самт соҳаи маориф ва илм низ рӯ ба беҳбудӣ ниҳодааст.
Ба таъкиди раиси КДАМ С. Ятимов феълан шукрона аз он бояд кард, ки ҷумҳуриамон дар ҳамаи самтҳо пешравиҳои назаррас дошта, давра ба давра рушд менамояд.
“Дар самти тараққиёту пешрафти кишвар Неругоҳи обии барқии “Роғун” худ беҳтарин намуна аст. Ба кор андохтани “Роғун” ормони чандинсолаи миллати тоҷик буда, он албатта бо ташаббуси бевоситаи Пешвои муаззами миллат муҳтарам Эмомалӣ Раҳмон ҷомаи амал пӯшид ва ҳоло “Роғун” ҳуввияти миллии мост”, - гуфт С. Ятимов.
Дар идомаи суҳбат раҳбарияти кумита таҳкими сарҳади давлатиро аз масоили мубрам унвон карда илова намуд, ки дар росто таҳдид аз ҳамсоякишвари Афғонистон бештар мушоҳида мешавад. Ҳоло мутаассифона дар чор вилояти мамлакати болозикр -Тахор, Бадахшон, Балх ва Қундуз ҷангҳои дохилӣ идома ёфта, дар самти мавзеъҳои Вартучу Юмгони Бадахшони Афғонистон вазъият хело ҳам вазнин аст.
“Дар вилоятҳои наздисарҳадӣ феълан 2 500 нафар ҷангҷӯёни хориҷӣ ва аъзоёни ташкилоту гурӯҳҳои террористии “Толибон”, “ДИИШ”, “Ансоруллоҳ”, “Ҳаракати исломии Узбекистон” ва ғайра ҷамъ омада, аз ҳама зиёд хатари ҷиддӣ ба амнияти Тоҷикистон доранд. Дар ин самт аз тарафи Ҳукумати кишвар тадбирҳои зарурӣ мавриди корбурд қарор мегиранд, вале муҳимтар он аст, ки сокинони мо ҳам бо сарҳадбонону ниҳодҳои дахлдор ҳамкориҳои судманд дошта бошанд”, - афзуд С. Ятимов.
Дар вохӯрӣ инчунин перомуни таъмири босифати роҳҳои маҳаллию аҳамияти байналмилалӣ дар ВМКБ, баланд бардоштани маърифату маънавиёти ҷавонон, пешгирии нашъамандию нашъаҷаллобӣ, ҳазар кардан аз нигаҳдории аслиҳаву яроқи оташфишон ва супоридани он ба мақомоти дахлдор, нақш ва фаъолияти постгоҳҳои Бозрасии давлатии автомобилӣ дар вилоят ва дигар масоил сухан рафт.
Дар фарҷом миёни роҳбарияти кумита ва ҳозирин муколамаи озод ба таври саволу ҷавоб сурат гирифт.
Инчунин дар вохӯрӣ ректори донишгоҳ, профессор Шермамад Ҷонмамадов, роҳбари Ситоди байниидоравӣ ва таъмини амният дар вилоят Абдураҳмон Аламшозода, муовини аввали раиси вилоят Алишер Мирзонаботов, олимону омӯзгорон, донишҷӯён ва дигар шахсони расмӣ иштирок намуданд.
Нахуст роҳбарияти ДДХ роҳбарияти КДАМ ва меҳмононро ба донишгоҳ хайра мақдам гуфта иброз дошт, ки ҳоло дар тамоми кишвар фазои тозаю озоди бунёдкорӣ ва созандагӣ мавҷуд буда, дар ин самт соҳаи маориф ва илм низ рӯ ба беҳбудӣ ниҳодааст.
Ба таъкиди раиси КДАМ С. Ятимов феълан шукрона аз он бояд кард, ки ҷумҳуриамон дар ҳамаи самтҳо пешравиҳои назаррас дошта, давра ба давра рушд менамояд.
“Дар самти тараққиёту пешрафти кишвар Неругоҳи обии барқии “Роғун” худ беҳтарин намуна аст. Ба кор андохтани “Роғун” ормони чандинсолаи миллати тоҷик буда, он албатта бо ташаббуси бевоситаи Пешвои муаззами миллат муҳтарам Эмомалӣ Раҳмон ҷомаи амал пӯшид ва ҳоло “Роғун” ҳуввияти миллии мост”, - гуфт С. Ятимов.
Дар идомаи суҳбат раҳбарияти кумита таҳкими сарҳади давлатиро аз масоили мубрам унвон карда илова намуд, ки дар росто таҳдид аз ҳамсоякишвари Афғонистон бештар мушоҳида мешавад. Ҳоло мутаассифона дар чор вилояти мамлакати болозикр -Тахор, Бадахшон, Балх ва Қундуз ҷангҳои дохилӣ идома ёфта, дар самти мавзеъҳои Вартучу Юмгони Бадахшони Афғонистон вазъият хело ҳам вазнин аст.
“Дар вилоятҳои наздисарҳадӣ феълан 2 500 нафар ҷангҷӯёни хориҷӣ ва аъзоёни ташкилоту гурӯҳҳои террористии “Толибон”, “ДИИШ”, “Ансоруллоҳ”, “Ҳаракати исломии Узбекистон” ва ғайра ҷамъ омада, аз ҳама зиёд хатари ҷиддӣ ба амнияти Тоҷикистон доранд. Дар ин самт аз тарафи Ҳукумати кишвар тадбирҳои зарурӣ мавриди корбурд қарор мегиранд, вале муҳимтар он аст, ки сокинони мо ҳам бо сарҳадбонону ниҳодҳои дахлдор ҳамкориҳои судманд дошта бошанд”, - афзуд С. Ятимов.
Дар вохӯрӣ инчунин перомуни таъмири босифати роҳҳои маҳаллию аҳамияти байналмилалӣ дар ВМКБ, баланд бардоштани маърифату маънавиёти ҷавонон, пешгирии нашъамандию нашъаҷаллобӣ, ҳазар кардан аз нигаҳдории аслиҳаву яроқи оташфишон ва супоридани он ба мақомоти дахлдор, нақш ва фаъолияти постгоҳҳои Бозрасии давлатии автомобилӣ дар вилоят ва дигар масоил сухан рафт.
Дар фарҷом миёни роҳбарияти кумита ва ҳозирин муколамаи озод ба таври саволу ҷавоб сурат гирифт.
Хабарҳои дигар
Рӯзнома
Эзоҳи худро нависед