ҶОМЕА
Панҷшанбе 30 Май 2024 03:14
10068
Имрӯз Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ бо мақсади таъмини фаъолияти самараноки сохторҳои гуногуни шаҳрдорӣ аз як қатор кӯчаҳову хиёбонҳои шаҳр дидан намуда, ба муовинони раиси шаҳр ва раисони ноҳияҳо вобаста ба бартарафсозии камбудиҳое, ки бар асари сардиҳо ба вуқуъ омадаанд, дастуру супориш дод.

Дар ин бора дафтари матбуотии шаҳри Душанбе хабар доданд.

Гуфта мешавад, ки раиси шаҳр ба масуълин супориш додааст, ки барои саривақт тоза намудани барф аз назди биною корхона ва мағозаву фурӯшгоҳҳо корбарӣ намуда, баҳри омода намудани каналу селпартоҳо ва саривақт таъмин намудани сокинон бо оби ошомиданӣ ва неруи барқу гармӣ чораҳои судманд андешанд.

Ҳамзамон бо ин, супориш дода шуд, ки корҳои фаҳмондадиҳиро миёни ҳама қишрҳои ҷомеа баҳри самаранок истифода бурдани қувваи барқ ва сарфаю сариштакорӣ тақвият бахшанд.

Эзоҳи худро нависед



Рамзҳо дар расм