Раиси шаҳри Хуҷанд Шариф Шарифзода дар доираи дастуру супоришҳои Пешвои миллат, Президенти мамлакат, муҳтарам Эмомалӣ Раҳмон боздиду хабаргирии шахсони барӯманд ва шаҳрвандони фахрии шаҳри Хуҷандро ба роҳ монд.

Вобаста ба ин Шариф Шарифзода бо зисту зиндагии Мамадхон Эшонов ва Каримҷон Ахмедов, иштирокчиёни Ҷанги Бузурги Ватанӣ, Наима Мӯъминова, омӯзгори собиқадор, Бахтиёр Ахмедов, саратоншинос ва Анвар Қурбонов, собиқадори соҳаи сохтмон аз наздик шинос шуд.

Раиси шаҳр аз хизматҳои арзандаи ин нафарони рӯзгордида дар пешрафти соҳаҳои гуногуни хоҷагии халқи кишвар ёдовар шуда, изҳор намуд, ки мақомоти маҳаллӣ пайваста онҳоро дастгирӣ менамояд.

Ҳангоми вохӯрӣ Каримҷон Ахмедов ва Лидия  Ахмедова аз шаҳрдори Хуҷанд хоҳиш намуданд, ки барои ба анҷом расондани сохтмони хонаи навбунёдашон кӯмак расонад.

Шариф Шарифзода мушкилоти моддии собиқадорони ҶБВ-ро шунида, ба масъулини шуъбаи меъморӣ ва шаҳрсозӣ супориш дод, ки корҳои сохтмонии хонаи марди накӯро то Рӯзи Ғалаба аз ҳисоби маблағи мақомоти маҳаллӣ ба анҷом расонанд.

Саодат ИСМОИЛӢ