Рамазон Раҳимзода, вазири корҳои дохилии кишвар 15 феврал зимни нишасти хабарӣ гуфт, дар соли 2022 ҷинояти одамкушӣ ва сӯиқасд ба ҷони одамон 58 ҳолат ба ҳисоб гирифта шудааст, ки ин нисбат ба соли 2021 7 ҳолат зиёд аст.

Номбурда ҳамчунин зикр кард, ки аз рӯи ҳисоботи оморӣ соли сипаришуда ҷиноятҳои роҳзанӣ, ғоратгарӣ ва савдои одамон низ зиёд гардида, ҷонояти роҳзанӣ 8, ғоратгарӣ 2 ва савдои одамон 14 ҳолат бештар ба ҳисоб гирифта шудааст.

- Аммо дар ин миён ҷинояти таҷовуз ба номус 2, қасдан расонидани зарари вазнин ба саломатӣ 2, авбошӣ 50, қаллобӣ 394, дуздӣ 1151 ва ҷиноятҳои иқтисодӣ 82 ҳолат коҳиш ёфтааст,- таъкид кард вазири корҳои дохилӣ.