Дар толори Раёсати кор бо ҷавонон ва варзиши вилояти Хатлон дар мавзуи муқовимат бо коррупия мизи мудаввар доир гардид.

Чорабинии мазкур бо мақсади пешгирӣ аз амалҳои коррупсионӣ ва дар амал татбиқ намудани Стратегияи муқовимат бо коррупия дар Ҷумҳурии Тоҷикистон барои солҳои 2013-2020 баргузор шуда, дар он намояндагони Агентии Раёсати мубориза бар зидди коррупсия, Раёсати кор бо ҷавонони дастгоҳи марказии Кумитаи кор бо ҷавонон ва варзиш, Раёсати кор бо ҷавонон ва варзиши вилояти Хатлон иштироку баромад намуданд.

Зимни суханрониҳо гуфта шуд, ки ришваситонӣ як зуҳуроти номатлуби ҷомеа ба ҳисоб меравад ва масъулини соҳаи кор бо ҷавонон вазифадоранд, ки ҷиҳати пешгирии амалҳои коррупсионӣ бо ҷалби волонтёрон корҳои ташвиқотиро миёни аҳолӣ ҷоннок намоянд.