Бо иштироки раҳбарият ва намояндагони мақомоти иҷроияи маҳаллии ҳокимияти давлатии ноҳияи Роштқалъа, сохтору идораҳои маҳаллӣ ба ифтихори 23–юмин солгарди қабули Конститутсияи кишвар чорабинии фарҳангӣ таҳти унвони “Санади соҳибистиқлолӣ ва бахтномаи миллат” баргузор гардид.

Ба иттилои Зӯҳро Муллоҳукматова, мудири Бахши кор бо ҷавонон ва варзиши ноҳия, чорабинӣ бо иқдоми Бахш ба хотири бузургдошт ва арҷгузорӣ ба Конститутсияи мамлакат ташкил шуда, дар он ҷавонону наврасони ноҳия перомуни нақши ин санади асосӣ дар ҳаёти ҳаррӯзаи сокинон андешаронӣ намуданд.

Мактаббачагон дар васфи Истиқлолияту ваҳдат, меҳанпарастӣ, озодӣ шеъру таронаҳо қироат намуда, барномаи консертӣ бо иштироки беҳтарин овозхонони ноҳия пешкаши ҳозирин гашт.