ҶОМЕА
Ҷумъа 19 Апрел 2024 04:33
Ба ин масъала дар шаҳри Панҷакент таваҷҷуҳи бештар медиҳанд
Имрӯзҳо дар тамоми манотиқи кишвар ба масъалаи рушди соҳаи сайёҳӣ ва ҳунару ҳунармандӣ диққати махсус дода мешавад. Ҳатто дар деҳоти дурдаст ҳам ин иқдом фаъолона пеш бурда мешавад.
Ҷиҳати шиносоӣ ва боздид аз мавзеъҳои сайёҳӣ, ҳунарҳои мардумӣ ва ҳаёти ҷавонони минтақаи водии Зарафшон ҳайати эҷодии рӯзномаи “Ҷавонони Тоҷикистон” тасмим гирифт, то аз шаҳри Панҷакент дидан намояд.
Дар ин шаҳр сохтмон ва таҷдиду навсозӣ бо суръат ҷараён дорад. Дар ҳар гӯшае корҳои ободонӣ, ки бо ташаббуси бевоситаи ҷавонон аз тариқи ҳашар ташкил карда шудаанд, ба чашм мехӯрд. Ба назар мерасид, ки муҳассилини донишкадаву коллеҷ ва омӯзишгоҳу толибилмони синфҳои болоии макотиби миёна дар рӯзҳои истироҳатӣ низ ба таври дастаҷамъона ба кору ободсозӣ баромадаанд.
Ҳоло дар маркази шаҳри Панҷакент сохтмони бинои панҷошёнаи Маркази ҷавонон идома дорад, ки дар шафати он муҷассамаи зебою замонавии устод Лоиқ Шералӣ бо баландии 6 метр қомат афрохтааст. Шояд он дар минтақа аввалин марказе бо чунин шаҳомати меъморӣ гардад. Танҳо барои ҷиҳозонидани утоқҳои корӣ бо мебелҳо 300 ҳазор сомонӣ харҷ шудааст. Инчунин варзишгоҳи марказии шаҳр бо тарҳи наву замонавӣ таҷдид ва мавриди бозсозӣ қарор дорад, ки он барои нишасти беш аз ҳафт ҳазор нафар пешбинӣ шудааст.
Умдатарин мушкилоте, ки ҷавонони ин шаҳр доранд, нарасидани варзишгоҳҳо дар деҳот ва маҳалҷойҳост, ки дар тобеияти Вазорати маориф нестанд. Ба гуфтаи Некрӯз Кенҷаев, мудири Бахши кор бо ҷавонон ва варзиши шаҳри Панҷакент имсол барои дар 112 деҳа сохтани иншоот ва майдончаҳои варзишӣ аз ҷониби раиси шаҳр қарор ба имзо расидааст ва дар ояндаи наздик сохтмони онҳо шуруъ хоҳад шуд.
Аз рӯи нишондиҳандаҳои оморӣ айни ҳол дар шаҳру деҳот 181 варзишгоҳу толорҳои варзишӣ, майдончаҳои варзишии дохили мактабҳо ва берун аз он ба қайд гирифта шудааст. Аз ин 38 толори варзишӣ, 5 варзишгоҳ ва 140 майдончаҳои варзишӣ мебошад, ки аксаран дар ҳисоби соҳаи маорифанд ва барои ба машғулияти том фаро гирифтани ҷавонон басандагӣ намекунад. Дар шаҳри Панҷакент 1 мактаби варзишӣ ки аз рӯи 14 намуди варзиш бо ҷалби 867 нафар наврасону ҷавонон аз рӯи намудҳои варзиши волейбол, баскетбол, футбол, тенниси рӯи миз, гӯштини тарзи озод, гӯштини миллӣ, дзюдо, самбо, каратэдо, бокс, шоҳмот, вазнбардорӣ, пауэрлифтинг ва муҳорибаи универсалӣ фаъолият менамояд.
Мувофиқи ҳисоботҳои Бахши кор бо ҷавонон ва варзиш дар давоми соли 2017 варзишгарон аз мусобиқаҳои вилоятӣ, ҷумҳуриявӣ ва байналмилалӣ соҳиби 23 медали тилло, 52 нуқра, 61 биринҷӣ гаштанд. Агарчӣ ин нишондиҳандаи баланд нест, аммо дар шароите, ки соҳаи варзиши маҳал каме ба мушкил мувоҷеҳ аст, то андозае метавон инро натиҷаи мусбат арзёбӣ кард. Муҳимтарин дастоварди варзишгарони шаҳр дар соли сипаригашта дастоварди қаҳрамони ҷаҳон Мирзоев Муҳаммадалӣ мебошад. Ӯ дар чемпионати ҷаҳон оид ба пауэрлифтинг 3 ҳарбаи вазнбардорӣ, бардоштани вазн бо тарзи хобида (ҷим лёҷ) дар шаҳри Маскави Федератсияи Русия иштирок намуда, сазовори ҷои аввал ва рекорди ҷаҳонӣ гардида, ду медали тилло ва титули ҷаҳонӣ ба даст овард.
Чуноне ба мушоҳида расид, соҳаи маорифи шаҳр низ ба пешравиҳои назаррасе ноил гаштааст. Он шояд аз камтарин манотиқи дурдасти кишвар аст, ки ҳатто дар деҳаҳои аз маркази шаҳр ба масофаи 50 километр дур низ макотиби хушсохту замонавӣ ва ба талаботи рӯз ҷавобгӯй дорад.
Дар самти рушди ҳунарҳои мардумӣ ва ба ин васила тарғиби он миёни қишрҳои муайяни аҳолӣ дар шаҳри Панҷакент корҳои назаррасе ба сомон расонида шудааст. Ба қавли Зайнура Азимӣ, муовини раиси шаҳри Панҷакент ҳоло дар шаҳр 33 маркази таълимӣ-истеҳсолии атласу адрас ва қолинбофӣ бо ҷалби зиёда аз шаст нафар устодону шумораи зиёди касбомӯзон фаъолият мекунад. Барои рушди дигар навъҳои косибию ҳунармандӣ аз ҷумла кулолгарӣ, бофандагӣ, оҳангарӣ, кандакорӣ ва навъҳои дигари ҳунармандӣ, ки хоси бонувонанд, шароити лозима фароҳам оварда шуда истодааст. Дар Маркази ҷавонон, ки дар арафаи Наврӯзи байналмилалӣ ба истифода дода хоҳад шуд, барои ташкили устохона ва марказҳои омӯзишии ҳунарҳои мардумӣ, аз ҷумла сохтани созҳои миллӣ низ ҷудо кардани ҷой пешбинӣ шудааст. Мақомоти иҷроияи ҳокимияти давлатии шаҳр барои ҷудо намудани қитъаи замин ҷиҳати бунёди коргоҳҳои хурди ҳунармандӣ, дастгирии ҳунармандон тадбирҳои амалӣ андешида, бонувони ҳунарманди шаҳр бо дарёфти грантҳои президентӣ ба бунёди коргоҳҳои хурди ҳунармандӣ оғоз кардаанд.
Барои рушд ва бунёди инфрасохтори соҳаи сайёҳӣ дар ин минтақа шароитҳои лозима мавҷуд аст. Чуноне, ки Ислом Шафеиён, раиси шаҳри Панҷакент мегуяд: “Барои ҷалби сайёҳон ёдгориҳои таърихӣ, манзараҳои зебои табиат заруранд, ки ин ҳама дар мо мавҷуданд. Ба ҳамин хотир, дар Панҷакент бо ҷалби ширкатҳои сайёҳӣ, ки шумораашон ҳоло ба 11 адад расидааст ва соҳибкорон солҳои охир меҳмонхонаю нуқтаҳои хӯроки умумӣ, чойхонаҳо бо нақшу нигори миллӣ бунёд гардида, хатсайрҳои нави сайёҳӣ таҳия карда мешаванд. Ҳоло дар ду мавзеи мавриди таваҷҷуҳи бештари сайёҳон - Ҳафткӯл ва Кӯли калон пойгоҳҳои нисбатан муҷаҳҳази пазироии сайёҳон ва куҳнавардон амал мекунанд. Бо ҷалби бештари сокинони шаҳр, соҳибкорон, ширкатҳои сайёҳӣ ба бунёди инфрасохтори соҳаи сайёҳӣ, аз ҷумла сохтмони минтақаҳои пазироӣ ва хизматрасонӣ ба сайёҳон дар хатсайрҳои куҳӣ, омода намудани армуғон аз ҳунарҳои мардумӣ барои сайёҳон ҳам ҷойҳои нави корӣ ва ҳам даромад аз ин соҳа бештар хоҳад шуд. Ин таҷриба дар шаҳри Панҷакент роиҷ аст ва мо онро дар “Соли рушди сайёҳӣ ва ҳунарҳои мардумӣ” ривоҷ хоҳем дод”.
Рушди соҳаҳои гуногуни хоҷагии халқи мамлакат аз ҳамаи мо шаҳрвандон ҳисси баланди масъулиятшиносӣ, содиқонаву софдилона фаъолият намудан ва баҳри ободии Меҳан саҳм гузоштанро тақозо менамояд. Тамоми масъулону сокинони шаҳри Панҷакент бо дарки ин нуктаҳо паи фаъолият буда, чун сокинони дигар шаҳру навоҳии мамлакат дар рушди кишвари азизамон – Тоҷикистон саҳмгузоранд, то Меҳан боз ҳам рушд ёбаду ба ҷаҳониён муаррифӣ гардад.
Хуршед ХОВАРӢ, “ҶТ”,
Ҷамшед СОБОҲИДДИН
Имрӯзҳо дар тамоми манотиқи кишвар ба масъалаи рушди соҳаи сайёҳӣ ва ҳунару ҳунармандӣ диққати махсус дода мешавад. Ҳатто дар деҳоти дурдаст ҳам ин иқдом фаъолона пеш бурда мешавад.
Ҷиҳати шиносоӣ ва боздид аз мавзеъҳои сайёҳӣ, ҳунарҳои мардумӣ ва ҳаёти ҷавонони минтақаи водии Зарафшон ҳайати эҷодии рӯзномаи “Ҷавонони Тоҷикистон” тасмим гирифт, то аз шаҳри Панҷакент дидан намояд.
Дар ин шаҳр сохтмон ва таҷдиду навсозӣ бо суръат ҷараён дорад. Дар ҳар гӯшае корҳои ободонӣ, ки бо ташаббуси бевоситаи ҷавонон аз тариқи ҳашар ташкил карда шудаанд, ба чашм мехӯрд. Ба назар мерасид, ки муҳассилини донишкадаву коллеҷ ва омӯзишгоҳу толибилмони синфҳои болоии макотиби миёна дар рӯзҳои истироҳатӣ низ ба таври дастаҷамъона ба кору ободсозӣ баромадаанд.
Ҳоло дар маркази шаҳри Панҷакент сохтмони бинои панҷошёнаи Маркази ҷавонон идома дорад, ки дар шафати он муҷассамаи зебою замонавии устод Лоиқ Шералӣ бо баландии 6 метр қомат афрохтааст. Шояд он дар минтақа аввалин марказе бо чунин шаҳомати меъморӣ гардад. Танҳо барои ҷиҳозонидани утоқҳои корӣ бо мебелҳо 300 ҳазор сомонӣ харҷ шудааст. Инчунин варзишгоҳи марказии шаҳр бо тарҳи наву замонавӣ таҷдид ва мавриди бозсозӣ қарор дорад, ки он барои нишасти беш аз ҳафт ҳазор нафар пешбинӣ шудааст.
Умдатарин мушкилоте, ки ҷавонони ин шаҳр доранд, нарасидани варзишгоҳҳо дар деҳот ва маҳалҷойҳост, ки дар тобеияти Вазорати маориф нестанд. Ба гуфтаи Некрӯз Кенҷаев, мудири Бахши кор бо ҷавонон ва варзиши шаҳри Панҷакент имсол барои дар 112 деҳа сохтани иншоот ва майдончаҳои варзишӣ аз ҷониби раиси шаҳр қарор ба имзо расидааст ва дар ояндаи наздик сохтмони онҳо шуруъ хоҳад шуд.
Аз рӯи нишондиҳандаҳои оморӣ айни ҳол дар шаҳру деҳот 181 варзишгоҳу толорҳои варзишӣ, майдончаҳои варзишии дохили мактабҳо ва берун аз он ба қайд гирифта шудааст. Аз ин 38 толори варзишӣ, 5 варзишгоҳ ва 140 майдончаҳои варзишӣ мебошад, ки аксаран дар ҳисоби соҳаи маорифанд ва барои ба машғулияти том фаро гирифтани ҷавонон басандагӣ намекунад. Дар шаҳри Панҷакент 1 мактаби варзишӣ ки аз рӯи 14 намуди варзиш бо ҷалби 867 нафар наврасону ҷавонон аз рӯи намудҳои варзиши волейбол, баскетбол, футбол, тенниси рӯи миз, гӯштини тарзи озод, гӯштини миллӣ, дзюдо, самбо, каратэдо, бокс, шоҳмот, вазнбардорӣ, пауэрлифтинг ва муҳорибаи универсалӣ фаъолият менамояд.
Мувофиқи ҳисоботҳои Бахши кор бо ҷавонон ва варзиш дар давоми соли 2017 варзишгарон аз мусобиқаҳои вилоятӣ, ҷумҳуриявӣ ва байналмилалӣ соҳиби 23 медали тилло, 52 нуқра, 61 биринҷӣ гаштанд. Агарчӣ ин нишондиҳандаи баланд нест, аммо дар шароите, ки соҳаи варзиши маҳал каме ба мушкил мувоҷеҳ аст, то андозае метавон инро натиҷаи мусбат арзёбӣ кард. Муҳимтарин дастоварди варзишгарони шаҳр дар соли сипаригашта дастоварди қаҳрамони ҷаҳон Мирзоев Муҳаммадалӣ мебошад. Ӯ дар чемпионати ҷаҳон оид ба пауэрлифтинг 3 ҳарбаи вазнбардорӣ, бардоштани вазн бо тарзи хобида (ҷим лёҷ) дар шаҳри Маскави Федератсияи Русия иштирок намуда, сазовори ҷои аввал ва рекорди ҷаҳонӣ гардида, ду медали тилло ва титули ҷаҳонӣ ба даст овард.
Чуноне ба мушоҳида расид, соҳаи маорифи шаҳр низ ба пешравиҳои назаррасе ноил гаштааст. Он шояд аз камтарин манотиқи дурдасти кишвар аст, ки ҳатто дар деҳаҳои аз маркази шаҳр ба масофаи 50 километр дур низ макотиби хушсохту замонавӣ ва ба талаботи рӯз ҷавобгӯй дорад.
Дар самти рушди ҳунарҳои мардумӣ ва ба ин васила тарғиби он миёни қишрҳои муайяни аҳолӣ дар шаҳри Панҷакент корҳои назаррасе ба сомон расонида шудааст. Ба қавли Зайнура Азимӣ, муовини раиси шаҳри Панҷакент ҳоло дар шаҳр 33 маркази таълимӣ-истеҳсолии атласу адрас ва қолинбофӣ бо ҷалби зиёда аз шаст нафар устодону шумораи зиёди касбомӯзон фаъолият мекунад. Барои рушди дигар навъҳои косибию ҳунармандӣ аз ҷумла кулолгарӣ, бофандагӣ, оҳангарӣ, кандакорӣ ва навъҳои дигари ҳунармандӣ, ки хоси бонувонанд, шароити лозима фароҳам оварда шуда истодааст. Дар Маркази ҷавонон, ки дар арафаи Наврӯзи байналмилалӣ ба истифода дода хоҳад шуд, барои ташкили устохона ва марказҳои омӯзишии ҳунарҳои мардумӣ, аз ҷумла сохтани созҳои миллӣ низ ҷудо кардани ҷой пешбинӣ шудааст. Мақомоти иҷроияи ҳокимияти давлатии шаҳр барои ҷудо намудани қитъаи замин ҷиҳати бунёди коргоҳҳои хурди ҳунармандӣ, дастгирии ҳунармандон тадбирҳои амалӣ андешида, бонувони ҳунарманди шаҳр бо дарёфти грантҳои президентӣ ба бунёди коргоҳҳои хурди ҳунармандӣ оғоз кардаанд.
Барои рушд ва бунёди инфрасохтори соҳаи сайёҳӣ дар ин минтақа шароитҳои лозима мавҷуд аст. Чуноне, ки Ислом Шафеиён, раиси шаҳри Панҷакент мегуяд: “Барои ҷалби сайёҳон ёдгориҳои таърихӣ, манзараҳои зебои табиат заруранд, ки ин ҳама дар мо мавҷуданд. Ба ҳамин хотир, дар Панҷакент бо ҷалби ширкатҳои сайёҳӣ, ки шумораашон ҳоло ба 11 адад расидааст ва соҳибкорон солҳои охир меҳмонхонаю нуқтаҳои хӯроки умумӣ, чойхонаҳо бо нақшу нигори миллӣ бунёд гардида, хатсайрҳои нави сайёҳӣ таҳия карда мешаванд. Ҳоло дар ду мавзеи мавриди таваҷҷуҳи бештари сайёҳон - Ҳафткӯл ва Кӯли калон пойгоҳҳои нисбатан муҷаҳҳази пазироии сайёҳон ва куҳнавардон амал мекунанд. Бо ҷалби бештари сокинони шаҳр, соҳибкорон, ширкатҳои сайёҳӣ ба бунёди инфрасохтори соҳаи сайёҳӣ, аз ҷумла сохтмони минтақаҳои пазироӣ ва хизматрасонӣ ба сайёҳон дар хатсайрҳои куҳӣ, омода намудани армуғон аз ҳунарҳои мардумӣ барои сайёҳон ҳам ҷойҳои нави корӣ ва ҳам даромад аз ин соҳа бештар хоҳад шуд. Ин таҷриба дар шаҳри Панҷакент роиҷ аст ва мо онро дар “Соли рушди сайёҳӣ ва ҳунарҳои мардумӣ” ривоҷ хоҳем дод”.
Рушди соҳаҳои гуногуни хоҷагии халқи мамлакат аз ҳамаи мо шаҳрвандон ҳисси баланди масъулиятшиносӣ, содиқонаву софдилона фаъолият намудан ва баҳри ободии Меҳан саҳм гузоштанро тақозо менамояд. Тамоми масъулону сокинони шаҳри Панҷакент бо дарки ин нуктаҳо паи фаъолият буда, чун сокинони дигар шаҳру навоҳии мамлакат дар рушди кишвари азизамон – Тоҷикистон саҳмгузоранд, то Меҳан боз ҳам рушд ёбаду ба ҷаҳониён муаррифӣ гардад.
Хуршед ХОВАРӢ, “ҶТ”,
Ҷамшед СОБОҲИДДИН
Хабарҳои дигар
Рӯзнома
Эзоҳи худро нависед