ҶОМЕА
Шанбе 27 Феврал 2021 12:19
7709
20-уми январ таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ҷаласаи навбатии иҷлосияи дуюми Маҷлиси намояндагони Маҷлиси Олии кишвар даъвати шашум баргузор гардид.

Дар ҷаласаи мазкур вазири мудофиа Шералӣ Мирзо, муовини якуми прокурори генералии Ҷумҳурии Тоҷикистон Абдуғаффор Ҳикматуллозода, сардори Хадамоти гумруки назди Ҳукумати Ҷумҳурии Тоҷикистон Хуршед Каримзода, сардори Хадамоти иҷрои назди Ҳукумати Ҷумҳурии Тоҷикистон Барно Саидвализода, муовини вазири молияи Ҷумҳурии Тоҷикистон Юсуф Маҷидӣ, раиси кумитаи Маҷлиси намояндагон Шомуроди Рустам, вакилони Маҷлиси намояндагон ва дигар шахсони даъватшуда иштирок намуданд.

Лоиҳаҳои чанд қонун дар ин иҷлосия мавриди баҳсу баррасӣ қарор гирифт ва яке аз онҳо лоиҳаи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ” буд.

Шералӣ Мирзо, вазири мудофиаи кишвар зимни шиносоии лоиҳаи мазкур гуфт, ки лоиҳаи қонун дар заминаи меъёрҳои қонуни амалкунанда таҳия гардида, ба роҳ мондани як қатор навовариҳо, аз ҷумла дар ҷараёни қайди ҳарбии шаҳрвандон, тартиби даъват ба хизмати ҳарбӣ, тартиби адои хазмати ҳарбӣ, баланд бардоштани масъулиятнокии шаҳрвандон, мушаххас намудани ваколатҳои мақомоти марказӣ ва маҳаллиро дар ин самт амалӣ менамояд.

Инчунин зимни муаррифии лоиҳа гуфта шуд, ки навовариҳои қонуни мазкур дар асоси таҳлили давлатҳои хориҷа, аз қабили Федератсияи Русия, Арманистон, Қазоқистон, Қирғизистон ва Ӯзбекистон пешниҳод ва таҳия гардидааст. Лоиҳа пешбинӣ менамояд, ки ба хатмкунандагони кафедраҳои ҳарбии назди муассисаҳои таҳсилоти олии касбӣ рутбаи аввали афсарӣ танҳо баъди адои хизмати ҳатмии ҳарбӣ ба муҳлати 12 моҳ дода шавад ва шаҳрвандоне, ки муассисаҳои таҳсилоти олии касбиро хатм намуданд, вале дар кафедраҳои ҳарбӣ таҳсил накардаанд, ба муҳлати 12 моҳ хизмат намуда, то рутбаи ҳарбии сержантро соҳиб мегарданд.
Лозим ба зикр аст, ки дар ҷаласаи болозикр дар баробари лоиҳаи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ”, ҳамчунин лоиҳаҳои алоқаманд ба он, лоиҳаи Қонуни конститутсионии Ҷумҳурии Тоҷикистон “Оид ба ворид намудани иловаҳо ба Қонуни конститутсионии Ҷумҳурии Тоҷикистон “Дар бораи судҳои Ҷумҳурии Тоҷикистон”, лоиҳаи Қонуни конститутсионии Ҷумҳурии Тоҷикистон “Оид ба ворид намудани илова ба Қонуни конститутсионии Ҷумҳурии Тоҷикистон “Дар бораи мақомоти прокуратураи Ҷумҳурии Тоҷикистон”, лоиҳаи Қонуни Ҷумҳурии Тоҷикистон “Дар бораи ворид намудани илова ба Кодекси гумруки Ҷумҳурии Тоҷикистон”, лоиҳаи Қонуни Ҷумҳурии Тоҷикистон “Оид ба ворид намудани иловаҳо ба Қонуни Ҷумҳурии Тоҷикистон “Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон” ва лоиҳаи Қонуни Ҷумҳурии Тоҷикистон “Оид ба ворид намудани илова ба Қонуни Ҷумҳурии Тоҷикистон “Дар бораи истеҳсолоти иҷро” мавриди баррасӣ қарор гирифтанд.

Бояд гуфт, ки тибқи лоиҳаи нави қонунҳо шаҳрванд баъди адои хизмати ҳарбӣ дар сафи Қувваҳои Мусаллаҳи кишвар дар мақомотҳои қудратӣ ба кор қабул карда мешавад.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.