14 январи соли ҷорӣ бо иштироки зиёда аз 100 нафар ҷавонони фаъол ва волонтёрони Бахши кор бо ҷавонон ва варзиши ноҳияи Рӯдакӣ аксияи “Саҳми ман дар шаҳри ман” доир гардид.

Аксияи мазкур бо мақсади саҳми арзанда гузоштан ба ободиву тозагии шаҳр ва муҳити атроф доир гардида, дар рафти он ҷавонон кӯчаву хиёбонҳоро аз ҳар гуна ашёҳои нолозим тоза намуданд.

Иқдоми мазкур дар доираи “1300 рӯзи ободонӣ”, ки ба истиқболи 30-солагии Истиқлолияти давлатии Ҷумҳурии Тоҷикистон эълон шудааст, баргузор гардида, чунин корҳо дар тамоми шаҳру ноҳияҳои кишвар  идома дорад.