Имрӯз дар бинои Душанбе-Плаза аз ҷониби тибби ҷумҳуриявӣ дар мавзӯи “Дастрасии Кӯмаки паллиативӣ дар сатҳи КАТС” ҷаласа баргузор гардид.

Дар ҷаласаи мазкур Шерафган Сатторов, муовини директори Муассисаи давлатии Маркази илмии саратоншиносии Ҷумҳурии Тоҷикистон иштирок намуда, зимни суханронии хеш гуфт: “Бемории саратон на танҳо дар кишвари мо, балки дар тамоми ҷаҳон меафзояд. Соли гузашта дар Маркази бемориҳои саратон 16 ҳазору 300 бемор сабти ном карда шуд, ки соли 2018 ин шумора -15 ҳазору 250 беморро ташкил дода буд”.

Дар идома таъкид гардид, ки имрӯз дар мо бемории саратони сина ва гардани бачадон (шейка матка) дар ҷойи аввал меистанд. Солҳои охир сарфи назар аз пешрафтҳо дар соҳаи илм ва саломатӣ дар аксари давлатҳо бемориҳои саратони сина ва саратони гардани бачадон сол аз сол меафзояд. Сабаби асосии ин беморӣ тарзи ҳаёти танзимнашаванда, ҳолатҳои стресс, ғизо, экология ва дигар омилҳо мебошанд.