ҶОМЕА
Чоршанбе 24 Апрел 2024 11:43
Палатаи поёнии парламенти кишвар Маҷлиси намояндагон ба қонуни амалкунанда нисбати шаҳрвандони хориҷӣ ва ашхоси бешаҳрванд дар Ҷумҳурии Тоҷикистон тағйирот ворид хоҳад кард. Мувофиқи қонуни амалкунанда шаҳрвандони хориҷие, ки ба кишвар ворид мешаванд, муддати се рӯз бояд худро дар мақомоти корҳои дохила ба қайд гиранд. Пас аз ворид шудани тағйирот ин муҳлат то даҳ рӯз дароз мегардад. Ҳамин тавр, ба хориҷиён сабукиҳо муҳайё мешавад.
Ба иттилои котиби матбуотии Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов тағйирот ба қонуни амалкунанда аз Паёми Президенти кишвар муҳтарам Эмомалӣ Раҳмон ба Маҷлиси Олӣ дар моҳи декабри соли пешин бармеояд. Он вақт Сарвари давлат дар муддати се рӯз ба қайд гирифтани шаҳрвандони хориҷиро муҳлати кӯтоҳ шуморида, ба ҳукумат супориш дода буд, доир ба ин масъала чораҳои дахлдор андешад.
Ба иттилои котиби матбуотии Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов тағйирот ба қонуни амалкунанда аз Паёми Президенти кишвар муҳтарам Эмомалӣ Раҳмон ба Маҷлиси Олӣ дар моҳи декабри соли пешин бармеояд. Он вақт Сарвари давлат дар муддати се рӯз ба қайд гирифтани шаҳрвандони хориҷиро муҳлати кӯтоҳ шуморида, ба ҳукумат супориш дода буд, доир ба ин масъала чораҳои дахлдор андешад.
Эзоҳи худро нависед