Чанде пеш дар иртибот ба дастуру супоришҳое, ки дар вохӯрии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо фаъолони мамлакат 11 июл бахшида ба 10-солагии Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” сурат гирифт, дар ҶСК “Нуриҳои Осиё” вохӯрии гурӯҳи кории мақомоти маҳаллии шаҳри Сарбанд бо кормандони ин корхона доир гардид.

Дар вохӯрӣ мудири бахш оид ба корҳои дин, танзими анъана ва ҷашну маросимҳои миллӣ шаҳр Суҳроб Валиев дар хусуси маъракаҳои дафну азодорӣ, оростани дастархони хоксорона, худдорӣ намудан аз харҷу сарфи беҳуда ва зиёдаравӣ дар баргузор намудани иду маъракаҳо суханронӣ кард.

Инчунин, котиби Комиссия оид ба ҳуқуқи кӯдаки МИҲД-и шаҳр Аъзам Ҳисайнов, мутахассиси Бахши кор бо ҷавонон ва варзиш Насим Сайдалиев ва имом-хатиби масҷиди ҷомеи шаҳр Атохӯҷа Имомов иштирок ва дар бораи ҷилавгирӣ аз шомилшавии наврасону ҷавонон ба ҳизбу ҳаракатҳои ифротгаро, ҷинояткорӣ ва оворагардии онҳо суҳбат намуда, падару модаронро барои дуруст ба роҳ мондани таълиму тарбияи фарзандонашон ҳидоят намуданд.

Умед МИРЗОЕВ, “ТҶ”