Барои дастгирии соҳаи обëрӣ дар назди Агентии беҳдошти замин ва обëрии назди Ҳукумати Ҷумҳурии Тоҷикистон се лоиҳаи сармоягузории давлатӣ бо маблағи умумии 135,3 млн. доллари ИМА татбиқ шуда истодааст, ки барои баланд бардоштани сатҳи зиндагии мардум ва таъмиру барқарорсозии иншооти обëрӣ ва инфрасохтори он равона шудаанд.

Зафарбек Давлатзода, директори Агентии беҳдошти замин ва обëрии назди Ҳукумати кишвар 31 июл зимни нишасти матбуотӣ бо зикри ин нукта ҳамзамон гуфт, ки азхудкунии маблағҳо дар давраи ҳисоботӣ 7,1 млн. доллари ИМА - ро ташкил медиҳад.

- Айни замон дар ҷумҳурӣ 353 адад Ассотсиатсияҳои истифодабарандагони об фаъолият менамояд, ки ба 417,5 ҳазор гектар ë ин ки ба 53 фоизи заминҳои обëришавандаи ҷумҳурӣ хизмат мерасонанд, - қайд намуд З. Давлатзода.

Г. КАРИМОВА, “ҶТ”