Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 30 – солагии таъсисёбии Қувваҳои Мусаллаҳи кишвар бо афсарону сарбозони қисми низомии 45045-и Кумитаи ҳолатҳои фавқулодаи назди Ҳукумати ҷумҳурӣ дар ноҳияи Шаҳринав вохӯрии судманд баргузор гардид.

Зимни он Амир Иброҳимзода, сардори Раёсати кор бо ҷавонони дастгоҳи марказии Кумитаи кор бо ҷавонон ва варзиш сарбозону афсарони қисми низомии мазкурро ба ифтихори 30 - солагии таъсисёбии Қувваҳои Муссаллаҳ ва иҷрои рисолати ҷавонмардӣ таҳният намуда, барои хизмати содиқонаву софдилонаашон дар роҳи хизмат ба Ватан изҳори сипос ва миннатдорӣ баён намуданд.

Дар охир ба як қатор сарбозону афсарон сипоснома ва туҳфаҳои хотиравӣ тақдим гардид.