Дар шаҳру ноҳияҳои вилояти Суғд бо мақсади шарҳу тавзеҳи Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат мулоқоту вохӯриҳо доир гардида истодааст.

Чунин як мулоқот дар толори муассисаи Кӯмаки аввалияи тиббию санитарии шаҳри Бӯстон ва Беморхонаи марказии шаҳр бо табибон доир гардид.

Зимни мулоқот Мамнур Нурзода, мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон, Анвар Саидов,  устоди Донишкадаи куҳӣ- металлургии Тоҷикистон, Боқӣ Қудратов, мудири бахши дин, танзими анъана ва ҷашну маросими шаҳр, Таҳмина Абдуқаҳҳорзода, мудири бахши фарҳанг ва Умедҷон Абдуллоев, сартабиби беморхонаи марказӣ оид ба нуктаҳои муҳимтарини Паёми Сарвари давлат ибрози назар намуда, аз табибон даъват намуданд, ки камбудиҳои ҷойдоштаро ислоҳ намуда, барои баланд бардоштани сатҳу сифати хизматрасониҳои тиббӣ ба аҳолӣ ва муносибати нек бо беморон тадбирҳои муҳимро роҳандозӣ намоянд.