ҶОМЕА
Шанбе 20 Апрел 2024 04:44
29 сол қабл, дар марҳилаи тақдирсози солҳои аввали Истиқлолияти давлатӣ таъсиси артиш ва дигар сохторҳои қудратӣ яке аз самтҳои муҳими сиёсати давлату Ҳукумати Ҷумҳурии Тоҷикистон қарор гирифт. Бо вуҷуди мушкилиҳо ва авҷгирии низоъҳои дохилӣ, Раиси тозаинтихоби Шӯрои Олӣ муҳтарам Эмомалӣ Раҳмон ба таъсиси Қувваҳои Мусаллаҳ азм намуданд. Ин бесабаб набуд, зеро Истиқлоли миллӣ, фарҳангу тамаддуни аҷдодӣ, дастовардҳои даврони соҳибистиқлолӣ, ваҳдати комили сарзамин ва ягонагии арзии Тоҷикистон бояд ҳифз карда мешуд.
Дар мавриди рисолат, таърихи таъсису бунёд, давраҳои ташаккулу азнавсозӣ, нақш ва мавқеи Артиши миллӣ, ҷараёни амалигардии ҳадафҳои роҳбарияти олии кишвар дар соҳаи ҳарбӣ бо вазири мудофиаи Ҷумҳурии Тоҷикистон, генерал- полковник Шералӣ Мирзо суҳбате анҷом додем, ки фишурдаи онро пешкаши хонандагон мегардонем.
- Пӯшида нест, ки солҳои аввали Истиқлолияти давлатӣ, Артиши миллиамон дар як шароити бисёр ҳассос барои Тоҷикистон таъсис дода шуд ва он яке аз рукнҳои асосӣ ва ҳамчун кафили бехатарии марзу буми аҷдодӣ арзёбӣ гардид. Биёед, суҳбатамонро дар мавриди марҳилаҳои нахустини ташаккулёбии Қувваҳои Мусаллаҳ оғоз бахшем.
- Дар воқеъ, тавре Пешвои миллат, Сарфармондеҳи Олии Қувваҳои Мусаллаҳ, генерали артиш муҳтарам Эмомалӣ Раҳмон қайд намудаанд: “Қувваҳои Мусаллаҳи Ҷумҳурии Тоҷикистон зодаи даврони истиқлол ва яке аз дастовардҳои муҳими он ба ҳисоб рафта, аз рӯзҳои аввали таъсисёбӣ дар назди онҳо вазифаҳои муқаддасу пуршараф - ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуд”. Албатта, ин масъулиятро ҳар як хизматчии ҳарбӣ ҳанӯз аз рӯзҳои нахустини бунёди Артиши миллӣ дарк мекард ва новобаста аз шароити ниҳоят вазнин рисолати хешро бо савганди садоқат ба халқу Ватан иҷро менамуд.
Ҳамин аст, ки бо вуҷуди мушкилиҳо ва авҷгирии низоъҳои дохилӣ, Сарвари давлат аз рӯзҳои аввали фаъолияташон ба таъсиси Қувваҳои Мусаллаҳ азм намуданд.
Ин нукта қобили таваҷҷуҳ аст, ки агарчи кишварҳои пасошӯравӣ аз собиқ давлати иттиҳод лавозимоти ҳарбиро ба мерос гирифта бошанд, вале бунёди Артиши миллии Тоҷикистон аз сифр шурӯъ гардид ва ин ҳолат дар он солҳо дар рушду камоли Қувваҳои Мусаллаҳ яке аз монеаҳои ҷиддиро ба бор меовард. Сарфи назар аз ҳама монеаву мушкилиҳои сахту сангин Артиши миллӣ марҳилаҳои бунёду таъсис ва тақвият бахшидани худро бомуваффақият паси сар намуд.
- Кадом тадбирҳои аввалин буданд, ки ба рушди Артиши миллӣ замина гузоштанд?
- Қувваҳои Мусаллаҳи Ҷумҳурии Тоҷикистон аз рӯзҳои таъсисёбӣ се марҳиларо паси сар намудааст. Аз ҷумла, даври аввал сохтмону ибтидои Артиши миллӣ, даври дуюм, ин бунёди навъи Қувваҳои Мусаллаҳ ва қисму воҳидҳои алоҳидаи низомӣ ва даври ниҳоӣ бошад, таҳкиму тақвият бахшидани сатҳи омодабошии ҷангии ҷузъу томҳо баҳри баланд бардоштани иқтидори мудофиавии Тоҷикистони навбунёдро дар бар мегирифт.
Албатта, ба як неруи пурқудрат табдил додани Артиши миллӣ дар он солҳо кори осон набуд. Новобаста аз вазъияти ниҳоят душвор ва бисёр ҳассос барои Тоҷикистони тозаистиқлол, дар он солҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз тамоми шароиту имкониятҳои мавҷуда истифода бурда, ҷиҳати мустаҳкам намудани қобилияти мудофиавии кишвар, баланд бардоштани сатҳи омодабошии ҷангӣ, беҳдошти шароитҳои хизмативу майишӣ, заминаҳои моддӣ - техникӣ ва баҳри боз ҳам хубтару беҳтар намудани вазъи иҷтимоии хизматчиёни ҳарбӣ тадбирҳои муҳиму саривақтиро роҳандозӣ менамуданд.
- Дар мавриди майли ҷавонон ба хизмати ҳарбӣ чӣ андеша доред?
- Имрӯз сафи ҷавононе, ки дар андешаи пешрафту шукуфоии мамлакатанд, ба маротиб афзуда истодааст. Онҳо ба таври ихтиёрӣ ба сафи Қувваҳои Мусаллаҳ пайваста, баҳри иҷрои рисолати фарзандии хеш дар назди Ватан - Модар талош меварзанд. Ин рафтори нек ва шоёни таҳсини насли ҷавони мамлакат пеш аз ҳама далели он аст, ки таваҷҷуҳи давлату Ҳукумати мамлакат, хосатан Пешвои миллат дар баробари дигар соҳаҳо ба Артиши миллӣ низ ба маротиб меафзояд. Илова бар ин, дар фазои мамлакат сулҳу оромӣ ҳукмрон аст ва барои ҷавонон ягон монеае дар ин самт дида намешавад.
Тибқи дастгириҳои пайвастаи Сарвари давлат дар ҷузъу томҳои Қувваҳои Мусаллаҳ шароити хуби буду бош барои сарбозон фароҳам оварда шудааст. Ҳамчунин, дар ҳамкорӣ бо ҷомеа ва дигар сохторҳои дахлдор пайваста дар қисмҳои низомӣ чорабиниҳои фарҳангӣ ва вохӯриҳои судманд гузаронида мешавад. Рӯзи дарҳои кушод, боздиди волидайн аз қисмҳои низомӣ ва дидорбинии пайвастаи онҳо бо фарзандонашон, ҳамзамон баланд шудани масъулияти ҷавонон, риоя намудани талаботи қонунгузории мамлакат ва дигар омилҳо боиси рӯ овардани ҷавонон ба хизмати ҳарбист.
- Вобаста ба аҳамият ва татбиқи амалии тарҳи нави Қонун “Дар бораи уҳдадории ҳарбӣ ва хизмати ҳарбӣ” чӣ андеша доред?
- Қонуни мазкур дар асоси таҳлилу омӯзиши таҷрибаҳои пешқадами кишварҳои дуру наздики хориҷ таҳия гардида, он вобаста ба талабот ва шароити ҷомеаи имрӯзаи Тоҷикистон мутобиқ гардонида шудааст. Илова бар ин, қонуни зикргардида як қатор навовариҳоро вобаста ба тартиби даъват ба хизмати ҳарбӣ, бақайдгирии шаҳрвандон, баланд бардоштани масъулиятнокии онҳо, тартиби адои хизмати ҳарбӣ, мушаххас намудани ваколатҳои мақомоти марказӣ ва маҳаллии ҳокимияти давлатӣ пешбинӣ намуда, барои дар сатҳи зарурӣ баргузор намудани чорабиниҳои даъватии шаҳрвандон ба хизмати ҳатмии ҳарбӣ равона шудааст.
Қонуни зикргардида, се шакли хизмати ҳарбиро муайян намудааст. Онҳое, ки пас аз хатми муассисаҳои миёна ва миёнаи касбӣ ба хизмати ҳарбӣ даъват карда мешаванд, муҳлати хизмати онҳо 24 моҳро дар бар мегирад. Шаҳрвандоне, ки донишгоҳу донишкадаҳоро бо кафедраҳои ҳарбӣ хатм менамоянд, танҳо баъди 12 моҳи хизмати ҳарбӣ ба онҳо рутбаи аввалини афсарӣ дода мешавад. Онҳое, ки муассисаҳои олиро бидуни омӯзиш дар кафедраҳои ҳарбӣ хатм кардаанд, онҳо низ ба муддати 12 моҳ ба хизмати ҳарбӣ ҷалб мегарданд, вале баъди анҷоми муҳлати хизмат ба онҳо рутбаи ҳарбии то сержант дода мешавад.
Хизмати ҳарбӣ дар ҳайати захираҳои даъвати сафарбарӣ, ин як навоварӣ ва шакли нави хизмати ҳарбист. Шаҳрвандони синни даъватие, ки ҳуқуқи озод шудан ва ё ба таъхир гузоштани муҳлати даъват ба хизмати ҳарбиро надоранд, метавонанд ихтиёран ва бо пардохти маблағи муайян, ки андозаи он мутобиқи Қарори Ҳукумати Ҷумҳурии Тоҷикистон 420 нишондиҳанда барои ҳисобҳо муқаррар карда шудааст, бо роҳи гузаштани ҷамъомади ҳарбии якмоҳа уҳдадории ҳарбии худро адо намуда, бо гирифтани билети ҳарбӣ ва рутбаи сарбози қаторӣ ба ҳайати захираҳои даъвати сафарбарӣ ворид карда шаванд.
Бо ҳамин тартиб, нимаи дуюми моҳи январи соли 2022 дар пойгоҳи марказҳои таълимии “Фахробод”- и вилояти Хатлон ва “Чоруқдарон”- и вилояти Суғд, аллакай 450 нафар сарбозоне, ки ихтиёран ва бо пардохти маблағи муайян дар ҳайати захираҳои даъвати сафарбарӣ ҷалб гардида буданд, уҳдадорӣ ё худ хизмати ҳарбиро бо гузаштан аз ҷамъомади якмоҳаи ҳарбӣ адо карда, баҳри садоқат ба халқу Ватан савганди ҳарбӣ ёд намуда, ба ҳайати захираҳои эҳтиётии Қувваҳои Мусаллаҳи Ҷумҳурии Тоҷикистон ворид карда шуданд.
- Бобати нақшаҳои оянда, ки ба рушду такомули Артиши миллӣ таъсири бевосита мерасонад, андешаи худро баён медоштед...
- Сарфармондеҳи Олии Қувваҳои Мусаллаҳ, генерали артиш, муҳтарам Эмомалӣ Раҳмон дар яке аз суханрониҳои хеш зикр намуда буданд: “Имрӯз ман бо қаноатмандӣ ва ифтихор изҳор менамоям, ки афсарону сарбозони Қувваҳои Мусаллаҳ аз бисёр имтиҳону озмоишҳои сахту сангин бо сари баланд гузаштанд ва рисолати касбиву ҳифзи шаҳрвандии худро бошарафона адо намуданд”.
Мо - низомиёни Қувваҳои Мусаллаҳ, ҳамеша кӯшиш ба харҷ медиҳем, то ба ин ҳама бовариву эътимоди Сарвари давлат сазовор бошем ва дар иҷрои рисолати касбии худ ва мудофиаи кишвар тамоми кӯшишу ғайрати худро равона созем. Илова бар ин, низомиёни кишвар набояд аз дастоварду муваффақиятҳои бадастомада қонеъ бошанд, балки пайваста барои такмил додани малакаву маҳорати касбии худ саъю кӯшиш намоянд. Зеро вазъи зудтағйирёбандаи ҷаҳони муосир тақозо менамояд, ки мо ҳамеша ва барои ҳама ҳолат омода бошем.
- Ба ҷавонон ва хизматчиёни ҳарбӣ чӣ таманниёт доред?
- Мо бояд аз гузаштаи пурифтихору ибратомӯзи миллати фарҳангиву сулҳдӯст, соҳибмаърифату тамаддунсоз ва ватандӯсту ободгарамон сабақи мардонагӣ гирифта, дар баробари нишон додани садоқат ба Ватан пайваста дар ҳолати омодабош қарор дошта бошем.
Бо итминони комил изҳор медорам, ки дар ин бобат, афсарону сарбозони далеру шуҷои Қувваҳои Мусаллаҳ ба Савганди ҳарбии худ ҳамеша содиқ монда, рисолати фарзандии худро дар назди Ватан, миллат ва давлати худ бо сарбаландӣ иҷро менамоянд.
Мавлон ШАРИФОВ, узви ИЖТ
Дар мавриди рисолат, таърихи таъсису бунёд, давраҳои ташаккулу азнавсозӣ, нақш ва мавқеи Артиши миллӣ, ҷараёни амалигардии ҳадафҳои роҳбарияти олии кишвар дар соҳаи ҳарбӣ бо вазири мудофиаи Ҷумҳурии Тоҷикистон, генерал- полковник Шералӣ Мирзо суҳбате анҷом додем, ки фишурдаи онро пешкаши хонандагон мегардонем.
- Пӯшида нест, ки солҳои аввали Истиқлолияти давлатӣ, Артиши миллиамон дар як шароити бисёр ҳассос барои Тоҷикистон таъсис дода шуд ва он яке аз рукнҳои асосӣ ва ҳамчун кафили бехатарии марзу буми аҷдодӣ арзёбӣ гардид. Биёед, суҳбатамонро дар мавриди марҳилаҳои нахустини ташаккулёбии Қувваҳои Мусаллаҳ оғоз бахшем.
- Дар воқеъ, тавре Пешвои миллат, Сарфармондеҳи Олии Қувваҳои Мусаллаҳ, генерали артиш муҳтарам Эмомалӣ Раҳмон қайд намудаанд: “Қувваҳои Мусаллаҳи Ҷумҳурии Тоҷикистон зодаи даврони истиқлол ва яке аз дастовардҳои муҳими он ба ҳисоб рафта, аз рӯзҳои аввали таъсисёбӣ дар назди онҳо вазифаҳои муқаддасу пуршараф - ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуд”. Албатта, ин масъулиятро ҳар як хизматчии ҳарбӣ ҳанӯз аз рӯзҳои нахустини бунёди Артиши миллӣ дарк мекард ва новобаста аз шароити ниҳоят вазнин рисолати хешро бо савганди садоқат ба халқу Ватан иҷро менамуд.
Ҳамин аст, ки бо вуҷуди мушкилиҳо ва авҷгирии низоъҳои дохилӣ, Сарвари давлат аз рӯзҳои аввали фаъолияташон ба таъсиси Қувваҳои Мусаллаҳ азм намуданд.
Ин нукта қобили таваҷҷуҳ аст, ки агарчи кишварҳои пасошӯравӣ аз собиқ давлати иттиҳод лавозимоти ҳарбиро ба мерос гирифта бошанд, вале бунёди Артиши миллии Тоҷикистон аз сифр шурӯъ гардид ва ин ҳолат дар он солҳо дар рушду камоли Қувваҳои Мусаллаҳ яке аз монеаҳои ҷиддиро ба бор меовард. Сарфи назар аз ҳама монеаву мушкилиҳои сахту сангин Артиши миллӣ марҳилаҳои бунёду таъсис ва тақвият бахшидани худро бомуваффақият паси сар намуд.
- Кадом тадбирҳои аввалин буданд, ки ба рушди Артиши миллӣ замина гузоштанд?
- Қувваҳои Мусаллаҳи Ҷумҳурии Тоҷикистон аз рӯзҳои таъсисёбӣ се марҳиларо паси сар намудааст. Аз ҷумла, даври аввал сохтмону ибтидои Артиши миллӣ, даври дуюм, ин бунёди навъи Қувваҳои Мусаллаҳ ва қисму воҳидҳои алоҳидаи низомӣ ва даври ниҳоӣ бошад, таҳкиму тақвият бахшидани сатҳи омодабошии ҷангии ҷузъу томҳо баҳри баланд бардоштани иқтидори мудофиавии Тоҷикистони навбунёдро дар бар мегирифт.
Албатта, ба як неруи пурқудрат табдил додани Артиши миллӣ дар он солҳо кори осон набуд. Новобаста аз вазъияти ниҳоят душвор ва бисёр ҳассос барои Тоҷикистони тозаистиқлол, дар он солҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз тамоми шароиту имкониятҳои мавҷуда истифода бурда, ҷиҳати мустаҳкам намудани қобилияти мудофиавии кишвар, баланд бардоштани сатҳи омодабошии ҷангӣ, беҳдошти шароитҳои хизмативу майишӣ, заминаҳои моддӣ - техникӣ ва баҳри боз ҳам хубтару беҳтар намудани вазъи иҷтимоии хизматчиёни ҳарбӣ тадбирҳои муҳиму саривақтиро роҳандозӣ менамуданд.
- Дар мавриди майли ҷавонон ба хизмати ҳарбӣ чӣ андеша доред?
- Имрӯз сафи ҷавононе, ки дар андешаи пешрафту шукуфоии мамлакатанд, ба маротиб афзуда истодааст. Онҳо ба таври ихтиёрӣ ба сафи Қувваҳои Мусаллаҳ пайваста, баҳри иҷрои рисолати фарзандии хеш дар назди Ватан - Модар талош меварзанд. Ин рафтори нек ва шоёни таҳсини насли ҷавони мамлакат пеш аз ҳама далели он аст, ки таваҷҷуҳи давлату Ҳукумати мамлакат, хосатан Пешвои миллат дар баробари дигар соҳаҳо ба Артиши миллӣ низ ба маротиб меафзояд. Илова бар ин, дар фазои мамлакат сулҳу оромӣ ҳукмрон аст ва барои ҷавонон ягон монеае дар ин самт дида намешавад.
Тибқи дастгириҳои пайвастаи Сарвари давлат дар ҷузъу томҳои Қувваҳои Мусаллаҳ шароити хуби буду бош барои сарбозон фароҳам оварда шудааст. Ҳамчунин, дар ҳамкорӣ бо ҷомеа ва дигар сохторҳои дахлдор пайваста дар қисмҳои низомӣ чорабиниҳои фарҳангӣ ва вохӯриҳои судманд гузаронида мешавад. Рӯзи дарҳои кушод, боздиди волидайн аз қисмҳои низомӣ ва дидорбинии пайвастаи онҳо бо фарзандонашон, ҳамзамон баланд шудани масъулияти ҷавонон, риоя намудани талаботи қонунгузории мамлакат ва дигар омилҳо боиси рӯ овардани ҷавонон ба хизмати ҳарбист.
- Вобаста ба аҳамият ва татбиқи амалии тарҳи нави Қонун “Дар бораи уҳдадории ҳарбӣ ва хизмати ҳарбӣ” чӣ андеша доред?
- Қонуни мазкур дар асоси таҳлилу омӯзиши таҷрибаҳои пешқадами кишварҳои дуру наздики хориҷ таҳия гардида, он вобаста ба талабот ва шароити ҷомеаи имрӯзаи Тоҷикистон мутобиқ гардонида шудааст. Илова бар ин, қонуни зикргардида як қатор навовариҳоро вобаста ба тартиби даъват ба хизмати ҳарбӣ, бақайдгирии шаҳрвандон, баланд бардоштани масъулиятнокии онҳо, тартиби адои хизмати ҳарбӣ, мушаххас намудани ваколатҳои мақомоти марказӣ ва маҳаллии ҳокимияти давлатӣ пешбинӣ намуда, барои дар сатҳи зарурӣ баргузор намудани чорабиниҳои даъватии шаҳрвандон ба хизмати ҳатмии ҳарбӣ равона шудааст.
Қонуни зикргардида, се шакли хизмати ҳарбиро муайян намудааст. Онҳое, ки пас аз хатми муассисаҳои миёна ва миёнаи касбӣ ба хизмати ҳарбӣ даъват карда мешаванд, муҳлати хизмати онҳо 24 моҳро дар бар мегирад. Шаҳрвандоне, ки донишгоҳу донишкадаҳоро бо кафедраҳои ҳарбӣ хатм менамоянд, танҳо баъди 12 моҳи хизмати ҳарбӣ ба онҳо рутбаи аввалини афсарӣ дода мешавад. Онҳое, ки муассисаҳои олиро бидуни омӯзиш дар кафедраҳои ҳарбӣ хатм кардаанд, онҳо низ ба муддати 12 моҳ ба хизмати ҳарбӣ ҷалб мегарданд, вале баъди анҷоми муҳлати хизмат ба онҳо рутбаи ҳарбии то сержант дода мешавад.
Хизмати ҳарбӣ дар ҳайати захираҳои даъвати сафарбарӣ, ин як навоварӣ ва шакли нави хизмати ҳарбист. Шаҳрвандони синни даъватие, ки ҳуқуқи озод шудан ва ё ба таъхир гузоштани муҳлати даъват ба хизмати ҳарбиро надоранд, метавонанд ихтиёран ва бо пардохти маблағи муайян, ки андозаи он мутобиқи Қарори Ҳукумати Ҷумҳурии Тоҷикистон 420 нишондиҳанда барои ҳисобҳо муқаррар карда шудааст, бо роҳи гузаштани ҷамъомади ҳарбии якмоҳа уҳдадории ҳарбии худро адо намуда, бо гирифтани билети ҳарбӣ ва рутбаи сарбози қаторӣ ба ҳайати захираҳои даъвати сафарбарӣ ворид карда шаванд.
Бо ҳамин тартиб, нимаи дуюми моҳи январи соли 2022 дар пойгоҳи марказҳои таълимии “Фахробод”- и вилояти Хатлон ва “Чоруқдарон”- и вилояти Суғд, аллакай 450 нафар сарбозоне, ки ихтиёран ва бо пардохти маблағи муайян дар ҳайати захираҳои даъвати сафарбарӣ ҷалб гардида буданд, уҳдадорӣ ё худ хизмати ҳарбиро бо гузаштан аз ҷамъомади якмоҳаи ҳарбӣ адо карда, баҳри садоқат ба халқу Ватан савганди ҳарбӣ ёд намуда, ба ҳайати захираҳои эҳтиётии Қувваҳои Мусаллаҳи Ҷумҳурии Тоҷикистон ворид карда шуданд.
- Бобати нақшаҳои оянда, ки ба рушду такомули Артиши миллӣ таъсири бевосита мерасонад, андешаи худро баён медоштед...
- Сарфармондеҳи Олии Қувваҳои Мусаллаҳ, генерали артиш, муҳтарам Эмомалӣ Раҳмон дар яке аз суханрониҳои хеш зикр намуда буданд: “Имрӯз ман бо қаноатмандӣ ва ифтихор изҳор менамоям, ки афсарону сарбозони Қувваҳои Мусаллаҳ аз бисёр имтиҳону озмоишҳои сахту сангин бо сари баланд гузаштанд ва рисолати касбиву ҳифзи шаҳрвандии худро бошарафона адо намуданд”.
Мо - низомиёни Қувваҳои Мусаллаҳ, ҳамеша кӯшиш ба харҷ медиҳем, то ба ин ҳама бовариву эътимоди Сарвари давлат сазовор бошем ва дар иҷрои рисолати касбии худ ва мудофиаи кишвар тамоми кӯшишу ғайрати худро равона созем. Илова бар ин, низомиёни кишвар набояд аз дастоварду муваффақиятҳои бадастомада қонеъ бошанд, балки пайваста барои такмил додани малакаву маҳорати касбии худ саъю кӯшиш намоянд. Зеро вазъи зудтағйирёбандаи ҷаҳони муосир тақозо менамояд, ки мо ҳамеша ва барои ҳама ҳолат омода бошем.
- Ба ҷавонон ва хизматчиёни ҳарбӣ чӣ таманниёт доред?
- Мо бояд аз гузаштаи пурифтихору ибратомӯзи миллати фарҳангиву сулҳдӯст, соҳибмаърифату тамаддунсоз ва ватандӯсту ободгарамон сабақи мардонагӣ гирифта, дар баробари нишон додани садоқат ба Ватан пайваста дар ҳолати омодабош қарор дошта бошем.
Бо итминони комил изҳор медорам, ки дар ин бобат, афсарону сарбозони далеру шуҷои Қувваҳои Мусаллаҳ ба Савганди ҳарбии худ ҳамеша содиқ монда, рисолати фарзандии худро дар назди Ватан, миллат ва давлати худ бо сарбаландӣ иҷро менамоянд.
Мавлон ШАРИФОВ, узви ИЖТ
Хабарҳои дигар
Рӯзнома
Эзоҳи худро нависед