Ширин Амонзода, вазири меҳнат, муҳоҷират ва шуғли аҳолии Тоҷикистон 11 феврал дар нишасти хабарӣ эълон кард, ки соли гузашта нисбат ба соли 2019 шумораи тоҷиконе, ки ба муҳоҷирати меҳнатӣ рафтаанд, 76 дарсад коҳиш ёфтааст.

“Дар соли 2020 аз Ҷумҳурии Тоҷикистон 129 ҳазору 607 нафар шаҳрвандони тоҷик ба хориҷи кишвар ба муҳоҷирати меҳнатӣ сафар намудаанд, ки нисбат ба соли пеш 170 ҳазору 477 нафар ё ин ки 76 фоиз кам аст”, - гуфт ӯ.

Ӯ ҳамзамон қайд намуд, ки бозгашти муҳоҷирони меҳнатӣ ба Ватан дар давраи ҳисоботӣ 90 ҳазору 333 нафарро ташкил дод, ки нисбати ҳамин давраи соли гузашта 78 фоиз кам шудааст. Гуфта шуд, ки аз шумораи шаҳрвандони ба муҳоҷирати меҳнатӣ сафарнамуда, 117 ҳазору 912 нафари онҳо ба Русия ва 4 574 нафарашон барои кор ба Ҷумҳурии Қазоқистон рафтаанд.