Имрӯз дар маҷлисгоҳи КТН КТН “Шарқи Озод” Маркази таҳқиқоти журналистии Тоҷикистон ҷоизаҳои худро - “Беҳтарин сухангӯ”ва Ҷоиза ба номи Пайванди Гулмуродзодаро ба соҳзибонашон тақдим кард.

Ҷоизаи “Беҳтарин сухангӯ”, ки ба котибони матбуотии вазорату кумита ва дигар мақомоту идораҳои давлатӣ дода мешавад, имсол ба Шоҳин Самадӣ сардори Хадамоти матбуоти Вазорати корҳои хориҷии Тоҷикистон супорида шуд.

Ҷоизаи ба номи Пайванди Гулмуродзода бошад, имсол ба Субҳон Аъзамзод, муҳаққиқи пуркор, адабиётшинос ва устоди Донишгоҳи давлатии Хуҷанд ба номи Б. Ғафуров дода шуд.

Ёдовар мешавем, ки ҷоизаи “Беҳтарин сухангӯ” ба хотири гиромидошти номи Иқбол Тешаев, собиқ сухангӯи раиси шаҳри Исфара таъсис дода шуда, барои фаъолияти пурсамар ва муносибати ҳасанаи котибони матбуотӣ бо ҷомеаи журналистӣ тақдим мегардад.

Ҷоизаи ба номи Пайванди Гулмуродзода бошад, ба муҳаққиқоне, ки дар самти фарҳанг пажӯҳиш мегузаронанд ва таҳқиқоти онҳо дар ҷомеа вокуниши ҷиддӣ ба миён оварда, масъулияти касбиро барои ҷомеъа нишон додааст, тақдим мегардад.

Наҷиба МУРОДБЕКОВА, “ҶТ”