Имрӯз зимни нишасти матбуотӣ директори Агентии хизмати давлатии назди Президенти Ҷумҳурии Тоҷикистон Идрисзода Илёс Мумин ба рӯзноманигор гуфт шумораи ҷавононе, ки дар мансабҳои роҳбарикунанда фаъолият мекунанд, афзоиш ёфтааст.

- Шумораи ҷавонони то 35-сола ба ҳолати 1 июли соли соли ҷорӣ 9300 нафар ё 49,1%-ро ташкил дода, дар мансабҳои роҳбарикунанда 1755 нафар ё 28, 3% ҷавонон фаъолият доранд, ки нисбат ба ҳамин давраи соли 2025 мутаносибан 184 нафар ва 10 нафар зиёд мебошанд, - иброз дошт, Идрисзода Илёс Мумин.

Ҳамзамон таъкид гардид, ки дар давраи ҳисоботӣ тибқи низомнома дар бораи тартиби гузаронидани озмун барои ишғоли мансабҳои холии маъмурии хизмати давлатӣ масъулини Агентӣ дар 208 ҷаласаи комиссияҳои озмуни мақомоти давлатӣ иштирок намуданд, ки аз 2479 довталабоне, ки ба мансабҳои холӣ ҳуҷҷат пешниҳод карданд, 1669 нафарашон қабул шудаанд.

- Аз 1669 нафари ба мансабҳо таъингардида, 998 нафар ҷавонони то 35 - сола мебошанд, ки нисбат ба соли 2025 12 нафар зиёд мебошад, - илова кард директори Агентӣ.

Сафиаллоҳ ИБОДЗОДА, “ҶТ”