Дар ҷумҳурӣ аз шумораи умумии нафақагирон 159146 нафарро нафақагирони маъюб ташкил медиҳанд, ки нисбат ба ҳамин давраи соли гузашта теъдоди онҳо 1367 нафар ё ин ки 0,9 фоиз зиёд гардидааст.

Ин нуктаро Дилмурод Давлатзода, директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 7 феврал зимни нишасти хабарӣ баён намуд.

Ӯ гуфт, ки барои пардохти нафақаи нафақагирони маъюбиятдошта дар як моҳ 51,9 млн. сомонӣ пардохт карда мешавад, ки ҳисоби миёнаи нафақаи онҳо ба 325, 84 сомонӣ баробар аст.

-Дар кишвар 763 ҳазору 333 нафақагир аст, ки теъдоди онҳо нисбат ба ҳамин давраи соли гузашта 13 ҳазору 516 ё 1,8 дарсад бештар аст. Талаботи моҳонаи нафақа дар як моҳ 257,7 млн. сомониро ташкил медиҳад, ки нисбат ба ҳамин давраи соли гузашта, 5,3 млн. сомонӣ ё 2,1 дарсад афзоиш ёфтааст, - гуфт Дилмурод Давлатзода.