Бо гузашти нуҳ сол пас аз берун шудан аз шабакаи ягонаи барқи Осиёи марказӣ Тоҷикистон дубора интиқоли нерӯи барқро ба Узбекистон оғоз кард.

Интиқоли нерӯи барқ тавассути зеристгоҳи Регар, воқеъ дар шаҳри Турсунзода, ба зеристгоҳи Гулчаи Узбекистон амалӣ гардид.

Ҳаҷми солонаи содироти нерӯи барқи тоҷик на камтар аз 1,5 миллиард киловатт-соатро дар бар мегирад.

Мақомоти дахлдори Тоҷикистон ва Узбекистон акнун саъй доранд, шабакаи ягонаи барқи минтақа дубора эҳё гардад. Ин имкон медиҳад, аз қисмати ҷануб ҳам барқи тоҷик ба кишвари ҳамсоя интиқол ёбад.

Тарафҳо ҳамчунин дар масъалаи арзиши нерӯи барқ ба мувофиқа омадаанд. Кишвари ҳамсоя нерӯи барқро дар фасли тобистон бо нархи ду сенти амрикоӣ барои ҳар як киловатт-соат, дар фасли зимистон бошад, бо 2,5 сент хаирдорӣ мекунад.