Дар шаш моҳи аввали соли равон ба ҷумҳурӣ бо маблағи 88,3 млн. доллари амрикоӣ доруворӣ ва молҳои тиббӣ ворид гардидааст, ки ин нисбат ба ҳамин давраи соли гузашта 32,5 млн.доллари амрикоӣ зиёд мебошад.

Дар ин бора имрӯз Ҷамолиддин Абдуллозода, вазири тандурустӣ ва ҳифзи иҷтимоии аҳоли кишвар зимни нишасти хабарӣ иттилоъ дод.

Номбурда ҳамчунин гуфт, ки дар ин давра содироти доруворӣ низ зиёд шуда, маблағи умумии он ба 76, 1 млн. сомонӣ баробар аст, ки ин нисбат ба ҳамин давраи соли гузашта 62 млн.сомонӣ зиёд мебошад.