ҶОМЕА
Шанбе 25 Май 2024 04:49
8856
Бино ба гуфти Раҳимзода Рамазон Ҳамро, вазири корҳои дохилии Ҷумҳурии Тоҷикистон дар шаш моҳи аввали соли ҷорӣ 431 ҳолати содиршавии ҷиноят аз тарафи ноболиғон ба қайд гирифта шудааст.

19 июл зимни нишасти хабарӣ бо зикри ин нукта вазири корҳои дохилии кишвар ҳамчунин таъкид кард, ки дар ин давра аз ҷониби ҷавонони кишвар ва ё бо иштироки онҳо 1944 ҳолати ҷиноят содир шудааст, ки ин нисбат ба ҳамин давраи соли гузашта 874 ҷиноят кам мебошад.

Вобаста ба садамаҳои роҳу нақлиёт гуфта шуд, ки дар шаш моҳи аввали соли 2022 бар асари 482 ҳодисаи роҳу нақлиёт 180 нафар шаҳрвандони кишвар ба ҳалокат расида, 509 нафар ҷароҳат бардоштаанд. Ҳамзамон дар ин давра дар пайи сӯхтор 9 нафар шаҳрвандон фавтидаанд, ки аз онҳо се нафараш ноболиғ мебошанд.

Эзоҳи худро нависед



Рамзҳо дар расм