Тибқи қарори раиси вилояти Суғд соли 2016 дар ҳудуди вилоят соли фарди солим эълон гардидааст.

Вобаста ба ин дар миёни муассисаҳои тандурустии вилоят, марказҳои саломатӣ ва марказҳои ташаккули тарзи ҳаёти солим озмунҳои гуногун аз қабили беморхонаи беҳтарин, ҳамшираи шафқати беҳтарин, дорухонаи беҳтарин ва амсоли инҳо баргузор гардида, барои муайян намудани ғолибон комиссияи муштарак дар ҳайати намояндагони мақомоти маҳаллии ҳокимияти давлатӣ, муассисаҳои тандурустӣ, раисони маҳаллаҳо ва дигар муассисаҳои дахлдор таъсис дода шудааст.

Ин иқдом аз ҷониби роҳбарияти вилоят ба хотири рушду такомули ҳарчи бештари соҳаи тандурустӣ, беҳтар гардонидани сатҳу сифати хизматрасонии тиббӣ, коҳиш додани осебпазирии аҳолӣ нисбати ҳар гуна бемориҳо ва ҳамзамон баланд бардоштани сатҳи маърифатнокии аҳолӣ дар мавриди пешгирӣ ва муолиҷаи саривақтии бемориҳо роҳандози гардидааст.

Озмунҳо давра ба давра ҷамъбаст гардида, ғолибон бо туҳфаҳои хотиравӣ қадрдонӣ карда мешаванд.