Соли 2022 аз ҷониби кормандони Умури ҳифзи давлатии ҷангал нисбати ҳуқуқвайронкунандагони соҳаи ҷангал 2009 санад тартиб дода шуда, ба маблағи 826 ҳазор сомонӣ ҷаримабандӣ карда шудааст.

Дар ин бора 31-уми январ Абдуҷаббор Юсуфзода, директори Агентии хоҷагии ҷангали назди Ҳукумати Ҷумҳурии Тоҷикистон зимни нишасти хабарӣ иттилоъ дод.

- Аз миқдори умумии қонунвайронкуниҳои ошкоргардида, 928 адад ба маблағи 333 ҳазор сомонӣ бо сабаби буриши ғайриқонунии ҷангал, 475 адад ба маблағи 243,4 ҳазор сомонӣ ба чорвочаронии худсарона, 307 адад ба маблағи 196,4 ҳазор сомонӣ ба ҷамъоварии худсаронаи гиёҳҳои хӯрданибобу шифобахш, 137 адад бо маблағи 14,1 ҳазор сомонӣ ба шикори беиҷзоат, 48 адад ба маблағи 4,8 ҳазор сомонӣ ба вайрон кардани қоидаҳои бехатарӣ аз сӯхтор дар ҷангал ва 114 адад ба маблағи 34,3 ҳазор сомонӣ ба дигар намуди қонунвайронкуниҳои ҷангал рост меояд,-афзуд номбурда.

Ҳамчунин гуфта шуд, ки дар ин муддат ба миқдори 1363 адад протоколҳои ҳуқуқвайронкунии маъмурӣ ба маблағи 371,1 ҳазор сомонӣ тартиб дода шуда, аз он 294,4 ҳазор сомонӣ ситонида шудааст.