Соли 2025 аз ҷониби Кумитаи кор бо ҷавонон ва варзиши назди Ҳукумати кишвар, сохторҳои маҳаллӣ ва ташкилотҳои система, инчунин Иттифоқи ҷавонони Тоҷикистон дар самти татбиқи сиёсати давлатии ҷавонон 22 310 мулоқоту вохӯрӣ ва корҳои идеологӣ гузаронида шудааст.

Дар ин бора имрӯз 5 - феврал Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни нишасти матбуотӣ иттилоъ дод.

Тибқи иттилоъ, мулоқоту вохӯриҳои мазкур дар доираи ҷадвалҳои мушаххаси алоҳидаи корӣ бо усули “мактаб ба мактаб”, “факулта ба факулта”, “деҳа ба деҳа” бо фарогирии 1 354 818 нафар ҷавонон ва аҳли ҷамоатчигӣ доир карда шудааст.

Таъкид гардид, ки дар баробари корҳои назариявӣ аз ҷониби Кумита дар якҷоягӣ бо сохторҳои маҳаллӣ дар самти кор бо ҷавонон ва тарбияи ватандӯстӣ 20 597 корҳои амалӣ (чорабиниҳои гуногуни амалӣ амсоли конференсияҳо, мизҳои мудаввар, семинарҳои омӯзишӣ, ҳамоишҳо, аксияҳо, аёдат, чорабиниҳои хусисияти ватандӯстидошта, силсилачорабиниҳои маърифатию адабӣ, фарҳангӣ – фароғатӣ, иттилоотию тарғиботӣ дар самтҳои афзалиятноки сиёсати давлатии ҷавонон) доир карда шудааст, ки дар чорабиниҳои мазкур 2 993 022 нафар иштирок ва ба маълумотҳои зарурӣ фаро гирифта шуданд.

Ҳамин тариқ, дар самти кор бо ҷавонон дар соли 2025, 42 889 чорабинӣ бо фарогирии 4 347 840 нафар баргузор гардидааст, ки аз лиҳози чорабинӣ 335 чорабинӣ бо фарогирии 84 250 нафар ҷавонон ва аҳли ҷомеа зиёд мебошад.

"ҶТ"