Дар вилояти Суғд шумораи умумии гирандагони стипендияҳо 1703 нафарро ташкил медиҳад.

Дар ин бора Бахтиёр Исматзода, сардори Раёсати кор бо ҷавонон ва варзиши вилояти Суғд зимни нишасти матбуотӣ маълумот дод.

Ба таъкиди номбурда, аз шумораи умумии гирандагони стипендияҳо 853 нафар гирандагони Стипендияи президентӣ мебошанд.
Дар самти иштироки варзишгарони вилоят дар чорабиниҳои варзишии байналмилалӣ ва натиҷаҳои бадастомада иттилоъ дода шуд, ки соли 2025 2250 варзишгар ба чорабиниҳои варзишии сатҳи ҷаҳонӣ сафарбар шудаанд. Дар натиҷа ба хазинаи варзишии вилоят 232 медали тилло ва 534 нуқраву биринҷӣ ворид гардидааст.

Субҳиддин ҚОДИРОВ, “ҶТ”