ҶОМЕА
Ҷумъа 10 Июл 2020 01:15
18 октябр бо иштироки Абдураҳмон Қодирӣ, раиси вилояти Суғд дар маҷлисгоҳи Мақомоти иҷроияи ҳокимияти давлатии вилоят аз фаъолияти нӯҳмоҳаи иқтисодиву иҷтимоии вилоят натиҷагирӣ карда шуд.
Дар ҷамъбасти нӯҳмоҳа муовинони раиси вилоят, раисони шаҳру ноҳияҳо, ҷамоатҳои шаҳраку деҳот, роҳбарони ташкилоту идораҳо ва сохторҳои вилоятӣ ҳамчунин намояндагони воситаҳои ахбори умум ширкат намуданд.
Зимни ҷаласа Анвар Яъқубӣ муовини раиси вилояти Суғд маърӯза намуда, натиҷаҳои иқтисодиву иҷтимоии вилоятро мавриди таҳлилу баррасии амиқ қарор дод. Мавсуф зикр кард, ки дар ин давра дар вилоят бо мақсади бартараф намудани таъсири омилҳои манфии бўҳрони ҷаҳонӣ ба иқтисодиёт, дар асоси дастуру супоришҳои Сарвари давлат силсилаи тадбирҳои саривақтӣ ва судманд ҷиҳати тақвият бахшидан ба рушди иқтисодиёт, аз зумраи идома додани таҷдиди соҳаи кишоварзӣ, азхудкунии заминҳои нав, ба кор андохтани иқтидорҳои нави истеҳсолӣ, бунёди силсилаи иншоотҳои муҳим, таъмиру тармими роҳҳои автомобилгард, эҳёи ҳунарҳои мардумӣ, самаранок ва мақсаднок истифода бурдани маблағҳои буҷетӣ амалӣ гардиданд.
Дар давраи ҳисоботӣ маҷмўи маҳсулоти минтақавии вилоят ба 9,9 млрд. сомонӣ баробар гардида, нисбати соли гузашта 107 зиёд шудааст.
Давоми нӯҳ моҳи соли равон ҳаҷми истеҳсоли маҳсулоти саноатӣ ба 4,7 млрд. сомонӣ расонида шуда, суръати афзоиш бо нархҳои амалкунанда 144,3 фоиз ва бо дарназардошти индекси нархҳо 137,2 фоизро ташкил намуд. Дар баробари ин бояд қайд намуд, ки дар соҳаи саноати вилоят имкониятҳои истифоданашуда ва камбудиҳо хеле зиёданд. Чунончӣ, дар ин давра аз 632 корхонаи саноатии ҳисоботдиҳанда дар 316 корхона ё 50 фоиз аз теъдоди умумӣ ҳаҷми истеҳсоли маҳсулотро зиёд намуда бошанд, аз 316 корхонаи боқимонда 176 адад ё 27,8 фоиз ба камшавии ҳаҷми истеҳсолот роҳ дода, 140 корхона ё худ 22,2 фоиз умуман фаъолият накарданд.
Дар шаҳру ноҳияҳои Мастчоҳ -70 фоиз, Панҷакент-66,6 фоиз, Зафаробод - 61 фоиз, Истаравшан - 54 фоиз, Спитамен - 53,8 фоиз, Хуҷанд - 52,3 фоиз, Конибодом-51 фоизи корхонаҳо аз теъдоди умумӣ ё ҳаҷми истеҳсоли маҳсулотро кам кардаанд ё умуман фаъолият намебаранд.
Давоми соли равон дар вилоят таъсиси 116 корхонаву коргоҳҳои саноатии нав бо ҷамъ 4,3 ҳазор ҷои кории нав ба нақша гирифта шуда то ҳол ҳамагӣ, 76 адад коргоҳи нав бо 2,2 ҳазор ҷойи нави корӣ ба фаъолият шурўъ намуданд, ки мутаносибан 65,5 фоиз ва 51,1 фоизи нақшаро ташкил медиҳанд.
Иҷрои нақшаи таъсиси корхонаҳои навро шаҳру ноҳияҳои Конибодом, Бобоҷон Ғафуров, Истаравшан, Деваштич, Панҷакент, Бўстон, Спитамен ва Шаҳристон таъмин намуданд. Аммо дар шаҳру ноҳияҳои Ашт аз 10 адад ҳамагӣ 1 адад, Исфара аз 9 адад ҳамагӣ 2 адад, Мастчоҳ аз 11 адад 4, Хуҷанд аз 36 адад ҳамагӣ 16 адад ва дар шаҳри Гулистон аз 5 адади дар нақша буда, ягон адад коргоҳи нав таъсис дода нашудааст.
Дар фарҷоми ҷаласа А. Қодирӣ масъулин, бахусус раисони шаҳру ноҳияҳои вилоятро бобати вусъати корҳои ободонӣ, иҷрои ҳадафҳои муҳим, таъмини рушди соҳаҳо ҳидоят намуда, изҳори боварӣ кард, ки мардуми вилоят соли ҷориро бо натиҷаҳои назаррас ва судманд ҷамъбаст менамоянд.
Дар ҷамъбасти нӯҳмоҳа муовинони раиси вилоят, раисони шаҳру ноҳияҳо, ҷамоатҳои шаҳраку деҳот, роҳбарони ташкилоту идораҳо ва сохторҳои вилоятӣ ҳамчунин намояндагони воситаҳои ахбори умум ширкат намуданд.
Зимни ҷаласа Анвар Яъқубӣ муовини раиси вилояти Суғд маърӯза намуда, натиҷаҳои иқтисодиву иҷтимоии вилоятро мавриди таҳлилу баррасии амиқ қарор дод. Мавсуф зикр кард, ки дар ин давра дар вилоят бо мақсади бартараф намудани таъсири омилҳои манфии бўҳрони ҷаҳонӣ ба иқтисодиёт, дар асоси дастуру супоришҳои Сарвари давлат силсилаи тадбирҳои саривақтӣ ва судманд ҷиҳати тақвият бахшидан ба рушди иқтисодиёт, аз зумраи идома додани таҷдиди соҳаи кишоварзӣ, азхудкунии заминҳои нав, ба кор андохтани иқтидорҳои нави истеҳсолӣ, бунёди силсилаи иншоотҳои муҳим, таъмиру тармими роҳҳои автомобилгард, эҳёи ҳунарҳои мардумӣ, самаранок ва мақсаднок истифода бурдани маблағҳои буҷетӣ амалӣ гардиданд.
Дар давраи ҳисоботӣ маҷмўи маҳсулоти минтақавии вилоят ба 9,9 млрд. сомонӣ баробар гардида, нисбати соли гузашта 107 зиёд шудааст.
Давоми нӯҳ моҳи соли равон ҳаҷми истеҳсоли маҳсулоти саноатӣ ба 4,7 млрд. сомонӣ расонида шуда, суръати афзоиш бо нархҳои амалкунанда 144,3 фоиз ва бо дарназардошти индекси нархҳо 137,2 фоизро ташкил намуд. Дар баробари ин бояд қайд намуд, ки дар соҳаи саноати вилоят имкониятҳои истифоданашуда ва камбудиҳо хеле зиёданд. Чунончӣ, дар ин давра аз 632 корхонаи саноатии ҳисоботдиҳанда дар 316 корхона ё 50 фоиз аз теъдоди умумӣ ҳаҷми истеҳсоли маҳсулотро зиёд намуда бошанд, аз 316 корхонаи боқимонда 176 адад ё 27,8 фоиз ба камшавии ҳаҷми истеҳсолот роҳ дода, 140 корхона ё худ 22,2 фоиз умуман фаъолият накарданд.
Дар шаҳру ноҳияҳои Мастчоҳ -70 фоиз, Панҷакент-66,6 фоиз, Зафаробод - 61 фоиз, Истаравшан - 54 фоиз, Спитамен - 53,8 фоиз, Хуҷанд - 52,3 фоиз, Конибодом-51 фоизи корхонаҳо аз теъдоди умумӣ ё ҳаҷми истеҳсоли маҳсулотро кам кардаанд ё умуман фаъолият намебаранд.
Давоми соли равон дар вилоят таъсиси 116 корхонаву коргоҳҳои саноатии нав бо ҷамъ 4,3 ҳазор ҷои кории нав ба нақша гирифта шуда то ҳол ҳамагӣ, 76 адад коргоҳи нав бо 2,2 ҳазор ҷойи нави корӣ ба фаъолият шурўъ намуданд, ки мутаносибан 65,5 фоиз ва 51,1 фоизи нақшаро ташкил медиҳанд.
Иҷрои нақшаи таъсиси корхонаҳои навро шаҳру ноҳияҳои Конибодом, Бобоҷон Ғафуров, Истаравшан, Деваштич, Панҷакент, Бўстон, Спитамен ва Шаҳристон таъмин намуданд. Аммо дар шаҳру ноҳияҳои Ашт аз 10 адад ҳамагӣ 1 адад, Исфара аз 9 адад ҳамагӣ 2 адад, Мастчоҳ аз 11 адад 4, Хуҷанд аз 36 адад ҳамагӣ 16 адад ва дар шаҳри Гулистон аз 5 адади дар нақша буда, ягон адад коргоҳи нав таъсис дода нашудааст.
Дар фарҷоми ҷаласа А. Қодирӣ масъулин, бахусус раисони шаҳру ноҳияҳои вилоятро бобати вусъати корҳои ободонӣ, иҷрои ҳадафҳои муҳим, таъмини рушди соҳаҳо ҳидоят намуда, изҳори боварӣ кард, ки мардуми вилоят соли ҷориро бо натиҷаҳои назаррас ва судманд ҷамъбаст менамоянд.
Хабарҳои дигар
Рӯзнома
Эзоҳи худро нависед