Санаи 17 декабри соли равон дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастгириҳои раиси вилоят Раҷаббой Аҳмадзода бо ташаббуси Раёсати кор бо ҷавонон ва варзиши вилояти Суғд бахшида ба Соли нави мелодӣ аёдати ҷавонони имконияташон маҳдуд сурат гирифт.

Дар доираи ин дидорбинӣ намояндагони Раёсати кор бо ҷавонон ва варзиши вилоят, хусусан сардори раёсат Каримов Мирзоқосим аз ҳолу аҳволи ин қишри ҷомеа огоҳ гардида, ба онҳо кӯмаки яквақтаина расонида шуд.

Ҳамзамон, сардори раёсат изҳор дошт, ки ҷавонони кишвар ва умуман ҳамаи қишри ҷомеа дар зери таваҷҷуҳи ҳамарӯзаи давлату Ҳукумати кишвар қарор доранд.

Ҷавонони имконияташон маҳдуд ва оилаи онҳо шукронаи тинҷиву амонӣ намуда, миннатдории хешро ба давлату ҳукумат иброз намуданд.