Ба ифтихори Рӯзи Ғалаба дар арафаи “Моҳвораи ҷавонон” бо ибтикори Раёсати кор бо ҷавонон ва варзиши вилояти Суғд аёдати иштирокчиёни Ҷанги Бузурги Ватанӣ баргузор гардид.

Дар ҷараёни аёдат зикр гардид, ки ҳеҷ гоҳ хизмату ҷонбозиҳои иштирокчиёни ҶБВ дар таъмини сулҳу оромӣ дар кишвар фаромуш намешавад. Маҳз дар натиҷаи муборизаи фидокоронаву шуҷоатмандонаи халқҳо оташи ҷанги даҳшатнок хомӯш ва озодии мардуми сайёра таъмин карда шуд.

Иштирокчиёни ҶБВ барои таваҷҷуҳу ғамхории пайвастаи Ҳукумати мамлакат ба Пешвои миллат арзи сипос намуда, дар ҳаққи давлату миллат, пойдории сулҳу субот ва мардуми сарбаланди кишвар дасти дуо бардоштанд.