ҶОМЕА
Якшанбе 11 Апрел 2021 07:49
1454
Ба истиқболи 25-солагии Истиқлолияти давлатии Тоҷикистон дар шаҳри Хуҷанд бинои баландошёнаи истиқоматӣ ба истифода дода шуд, ки аз ҷониби соҳибкори маҳаллӣ Шӯҳрат Юлдошов бунёд ёфтааст. Он аз 13 ошёна иборат буда, дар қабати аввал ва дуюм маркази савдо ҷойгир шудааст.

Иттилоъ дода шуд, ки корҳои сохтмони бино соли 2013 оғоз ёфта, барои анҷоми он беш аз 7 миллион сомонӣ сарф гардидааст. Ҳангоми сохтмон 200 нафар бо ҷои кор таъмин гаштаанд. Бино дорои 54 хонаи 2, 3 ва 4-ҳуҷрагӣ мебошад. Ҳар як метри мураббаи хонаҳои истиқоматӣ бо арзиши 3,5 ҳазор сомонӣ пешниҳоди сокинон гардонида шудааст.

Баробари буридани лентаи рамзӣ ва шиносоӣ бо шароити манзилҳо раиси вилояти Суғд Абдураҳмон Қодирӣ дар фазои тантанавӣ ба як оилаи ниёзманд хонаи дуҳуҷрагӣ тақдим намуд. Супориш дода шуд, ки ин оила давоми як сол аз пардохти хизматрасониҳои коммуналӣ озод карда шавад.

Оилаи ҷавон, ки соҳиби манзили зист гардид, аз таваҷҷуҳ ва дастгириҳои Ҳукумати ҷумҳурӣ арзи хушҳолӣ карда, ба Президенти мамлакат барои дастгирии доимиашон нисбат ба ниёзмандон миннатдорӣ баён дошт.

Раиси вилоят, ҳамчунин толори наву замонавии варзиширо дар назди мактаби таҳсилоти умумии рақами 30-и шаҳри Хуҷанд ба истифода дод. Дарозии толор 24 метр буда, бари он 10 метрро ташкил медиҳад. Дар ин ҷо барои машқу тамрини хонандагон ва гузаронидани дарси тарбияи ҷисмонӣ тамоми шарту шароит фароҳам оварда шудааст.

Толори варзишӣ дорои утоқҳои алоҳидаи либосивазкунӣ ҳам барои духтарон ва ҳам барои писарон ва ҳуҷраи омӯзгор буда, ҳамзамон нуқтаи хизматрасонии тиббӣ дорад.

Инчунин бо дастгирии шуъбаи маорифи шаҳр ва волидайни хонандагон мактаби мазкур таъмир шудааст. Оянда фароҳам овардани системаи гармидиҳӣ барои ин мактабро раиси вилоят муҳим дониста, барои ин кор 200 ҳазор сомонӣ ҷудо намуд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.