ҶОМЕА
Ҷумъа 12 Август 2022 08:34
8488
27-уми декабр дар толори Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд бо иштироки Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷаласаи ҷамъбастии солонаи соҳаи кор бо ҷавонон ва варзиши вилояти Суғд баргузор гардида, зимни он вазифагузориҳо барои фаъолияти соли 2022 сурат гирифт.

Дар кори ҷаласа кормандони Раёсат, мудирони бахшҳои кор бо ҷавонон ва варзиш, директорон ва муовинони мактабҳои варзишии шаҳру ноҳияҳои вилоят иштирок намуданд.

Дар ҷаласа фаъолияти солонаи соҳаи кор бо ҷавонон ва варзиши вилоят ва нақшахҳои минбаъда бо самтҳои фаъолият таҳлилу баррасӣ гардид.

Мирзоқосим Каримзода, сардори Раёсати кор бо ҷавонон ва варзиши вилояти Суғд ҷаласаро ифтитоҳ намуда, иброз дошт, ки ҷавонони сарбаланди Суғди бостонӣ бо рўҳу илҳоми тоза аз ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати бо дастовардҳои шоиста ҷамъбаст намудани соли барои миллату давлатамон таърихӣ саъйу талош варзиданд.

Зикр шуд, ки ҷиҳати таъмини иштироки ҷавонон дар ҳаёти иқтисодию иҷтимоӣ, сиёсию фарҳангӣ ва маънавию маърифатӣ дар давоми соли 2021 аз ҷониби Раёсат 40 аксияву ҳамоишҳои ташвиқотиву таблиғотӣ ва аз ҷониби бахшҳои кор бо ҷавонон ва варзиши шаҳру ноҳияҳои вилоят 555 аксияҳо бо ҷалби беш аз 85278 ҳазор нафар ҷавонон гузаронида шуданд.

Вобаста ба самти шуғлнокии ҷавонон гуфта шуд, ки аз ҷониби бахшҳои кор бо ҷавонон ва варзиши шаҳру ноҳияҳои вилоят 264 ярмаркаҳои ҷойҳои кории холӣ ва 196 чорабиниҳои гуногун баргузор карда шуд. Новобаста ба ин, давоми соли равон нисбати ҳамин давраи соли гузашта дар шаҳру ноҳияҳои Бӯстон 135 нафар, (2020 – 45 нафар), Исфара 704 нафар (2020 – 622 нафар), Спитамен 370 нафар (2020 – 270 нафар) ҷавонони бекор зиёд гардидаанд.

Баҳри пешгирии омилҳои номатлуби иҷтимоӣ, паст намудани омилҳои таъсиррасони ақидаҳои экстремистии динӣ ва пешгирии шомилшавии ҷавонон ба гурӯҳҳои террористӣ дар байни наврасону ҷавонон бо истифода аз усулҳои таъсирбахш аз ҷониби сохторҳои Раёсат дар шаҳру ноҳияҳои вилоят 1242 чорабиниҳо бо фарогирии зиёда аз 100 ҳазор наврасону ҷавонон баргузор карда шуд.

Ҳамзамон маврид ба зикр аст, ки новобаста ба он, ки соли 2021 сатҳи ҷинояткорӣ байни ҷавонон 4 адад кам гардидааст, вале аз ҷониби ҷавонони шаҳру ноҳияҳои Истаравшан 100 адад (2020 - 89 адад), Панҷакент 88 адад (2020 - 83 адад), Исфара 97 адад (2020 - 89 адад) ва Мастчоҳ 50 адад (2020 - 35 адад) нисбати соли гузашта зиёд гардидааст.

Гуфта шуд, ки мувофиқи маълумотҳои оморӣ дар вилоят 2798 иншооти варзишӣ новобаста аз шакли моликияташон ба қайд гирифта шудааст, ки аз ин 49 варзишгоҳ, 1928 майдончаи варзишӣ, 617 толорҳои варзишӣ, 38 ҳавзҳои шиноварӣ ва 166 маҷмаа, иншооти махсуси варзишӣ, аз қабили тир, боулинг, фитнес ва клубҳои ихтиёрӣ фаъолият менамоянд.

Дар давраи ҳисоботӣ дар шаҳру ноҳияҳои вилоят дар маҷмӯъ 67 иншооти варзишӣ, аз ҷумла 49 майдончаи варзишӣ, 15 толори варзишӣ, 1 варзишгоҳ, 1 ҳавзи шиноварӣ ва 1 маҷмааи варзишӣ аз ҳисоби буҷети маҳаллӣ 15,306,000 сомонӣ ва аз ҳисоби соҳибкорон ба маблағи 20,286,000 ҳазор сомонӣ мавриди истифода қарор дода шуд.

Аз ҳисоби ғолибон ва ҷоизадорони мусобиқаҳо, дастаи мунтахаби вилоят муайян гардида, дар 106 мусобиқаҳои ҷумҳуриявӣ ва чемпионатҳои Ҷумҳурии Тоҷикистон дар ҳайати 3820 нафар, аз ин 751 нафар бону иштирок намуданд ва ба гирифтани 800 медали тилло, 695 медали нуқра ва 886 медали биринҷӣ мушарраф гардиданд.

Бо мақсади дарёфти таъмини иштироки васеи варзишгарони дастаи мунтахаб дар мусобиқаҳои байналмилалӣ бо иштироки 165 варзишгар, аз ҷумла 12 нафар бону ба 31 чорабиниҳо сафарбар гардида, дар натиҷа ба хазинаи варзишии вилоят 74 медал, аз ҷумла 15 тилло, 22 нуқра ва 37 биринҷӣ ворид намуданд.
Дар фарҷоми ҷаласа аз ҷониби раиси Кумита вазифагузориҳои мушаххас оид ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди фаъолияти соҳа, татбиқи пурсамари сиёсати давлатии ҷавонон ва оммавигардонии варзиш иброз гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.