ҶОМЕА
Панҷшанбе 16 Апрел 2026 01:08
Дар Қасри Арбоб бахшида ба Рӯзи Модар чорабинии идона баргузор гардид, ки дар он бонувони фаъол аз тамоми шаҳру ноҳияҳои вилояти Суғд иштирок намуданд.
Раиси вилояти Суғд Раҷаб Аҳмадзода зимни суханронӣ нақши зан-модари тоҷикро дар ҳифзи музаффариятҳои даврони соҳибистиқлолӣ ва таҳкими пояҳои давлатдории миллӣ бузургу беназир арзёбӣ намуд.
Гуфта шуд, ки дар сатҳи давлатӣ ва бо тантанаву шукӯҳи хосса ҷашн гирифтани Рӯзи Модар нишонаи эътибору эҳтироми зиёди давлат ва Ҳукумати кишвар, ба хусус Пешвои миллат муҳтарам Эмомалӣ Раҳмон аст.
Иброз гардид, ки бузургии зан-модар, пеш аз ҳама, дар он таҷассум меёбад, ки ӯ посдори забон ва таъриху фарҳанги миллӣ мебошад. Ин масъулияти бузург модарону бонувони моро водор месозад, ки дар баробари нигоҳбину парасторӣ ва камолоти ҷисмонии фарзандон, онҳоро дар руҳияи ватандӯстиву ватанпарастӣ ва ҳисси баланди миллӣ тарбия намоянд. Зеро нақши модар, махсусан, дар раванди таълиму тарбия, омӯхтани забон, таъриху фарҳанг ва умуман, камолоти маънавии фарзанд барҷаста мебошад.
Дар чорабинӣ зикр гардид, ки имрӯз модари тоҷик баробари иҷрои рисолати аслии хеш, яъне тарбияи насли ояндасоз, инчунин, сиёсатмадору олим, омӯзгору табиб, ҳунарманду варзишгар, соҳибкори муваффақу коршинос буда, дар рушди ҳаёти сиёсиву иқтисодӣ ва иҷтимоиву фарҳангӣ, яъне барои ободии кишвар саҳми басо арзишманд дорад.
Имрӯзҳо аз ҳисоби занони вилояти Суғд 3 нафар узви Маҷлиси миллии Маҷлиси олии Ҷумҳурии Тоҷикистон, 5 нафар вакили Маҷлиси намояндагони Маҷлиси Олии Ҷумҳурии Тоҷикистон, 24 нафар вакили Маҷлиси вакилони халқи вилояти Суғд, 178 нафар вакили Маҷлиси вакилони халқи шаҳру ноҳияҳо ва 694 нафар вакили халқи ҷамоатҳо интихоб гардидаанд.
Дар вилояти Суғд бештар аз 1 миллиону 492 ҳазору 500 нафар занону духтарон умр ба сар мебаранд. Аз ин шумор 23 063 нафар дар вазифаҳои роҳбарикунанда ва 1193 нафар дар мақомоти давлатӣ кору фаъолият доранд.
Дар фарҷоми чорабинӣ намоиши адабӣ-фарҳангӣ, ки ситоиши Зан-Модар, мақоми зан дар ҷомеа ва бузургии ин олиҳаи меҳрро ифода менамуд, пешниҳоди аҳли нишаст гардид.
Субҳиддин ҚОДИРОВ, "ҶТ"
Раиси вилояти Суғд Раҷаб Аҳмадзода зимни суханронӣ нақши зан-модари тоҷикро дар ҳифзи музаффариятҳои даврони соҳибистиқлолӣ ва таҳкими пояҳои давлатдории миллӣ бузургу беназир арзёбӣ намуд.
Гуфта шуд, ки дар сатҳи давлатӣ ва бо тантанаву шукӯҳи хосса ҷашн гирифтани Рӯзи Модар нишонаи эътибору эҳтироми зиёди давлат ва Ҳукумати кишвар, ба хусус Пешвои миллат муҳтарам Эмомалӣ Раҳмон аст.
Иброз гардид, ки бузургии зан-модар, пеш аз ҳама, дар он таҷассум меёбад, ки ӯ посдори забон ва таъриху фарҳанги миллӣ мебошад. Ин масъулияти бузург модарону бонувони моро водор месозад, ки дар баробари нигоҳбину парасторӣ ва камолоти ҷисмонии фарзандон, онҳоро дар руҳияи ватандӯстиву ватанпарастӣ ва ҳисси баланди миллӣ тарбия намоянд. Зеро нақши модар, махсусан, дар раванди таълиму тарбия, омӯхтани забон, таъриху фарҳанг ва умуман, камолоти маънавии фарзанд барҷаста мебошад.
Дар чорабинӣ зикр гардид, ки имрӯз модари тоҷик баробари иҷрои рисолати аслии хеш, яъне тарбияи насли ояндасоз, инчунин, сиёсатмадору олим, омӯзгору табиб, ҳунарманду варзишгар, соҳибкори муваффақу коршинос буда, дар рушди ҳаёти сиёсиву иқтисодӣ ва иҷтимоиву фарҳангӣ, яъне барои ободии кишвар саҳми басо арзишманд дорад.
Имрӯзҳо аз ҳисоби занони вилояти Суғд 3 нафар узви Маҷлиси миллии Маҷлиси олии Ҷумҳурии Тоҷикистон, 5 нафар вакили Маҷлиси намояндагони Маҷлиси Олии Ҷумҳурии Тоҷикистон, 24 нафар вакили Маҷлиси вакилони халқи вилояти Суғд, 178 нафар вакили Маҷлиси вакилони халқи шаҳру ноҳияҳо ва 694 нафар вакили халқи ҷамоатҳо интихоб гардидаанд.
Дар вилояти Суғд бештар аз 1 миллиону 492 ҳазору 500 нафар занону духтарон умр ба сар мебаранд. Аз ин шумор 23 063 нафар дар вазифаҳои роҳбарикунанда ва 1193 нафар дар мақомоти давлатӣ кору фаъолият доранд.
Дар фарҷоми чорабинӣ намоиши адабӣ-фарҳангӣ, ки ситоиши Зан-Модар, мақоми зан дар ҷомеа ва бузургии ин олиҳаи меҳрро ифода менамуд, пешниҳоди аҳли нишаст гардид.
Субҳиддин ҚОДИРОВ, "ҶТ"
Хабарҳои дигар
Рӯзнома
Эзоҳи худро нависед