Саидзода Иззатулло Ҳабибулло, директори Маркази миллии қонунгузории назди Президенти Ҷумҳурии Тоҷикистон зимни нишасти матбуотӣ таъкид кард, ки дар шаш моҳи аввали соли 2020 маркази мазкур ҳамчун мақоми ваколатдори гузаронидани таҳлили таъсири танзимкунӣ лоиҳаи 13 санадҳои меъёрии ҳуқуқии соҳаи соҳибкориро дар робита ба таҳлили таъсири танзимкунӣ мавриди баррасӣ қарор дода, ба онҳо хулосаҳои ҳуқуқӣ пешниҳод кардааст.

Дар идома таъкид гардид, ки ҷиҳати гузаронидани тадқиқотҳои илмию таҳлилӣ оид ба ин ҳолат раванди инкишоф ва амалияи истифодаи қонунгузорӣ аз ҷониби кормандони марказ 20 мақолаҳои илмӣ-амалӣ таҳия гардиданд. Инчунин бо мақсади мураттабсозии қонунгузорӣ дар сомонаи расмии марказ саҳифаи махсус - “Маҳзани қонунгузории Ҷумҳурии Тоҷикистон” кушода шуда, дар он инвентаризасия ва мураттабсозии қонунгзории кишвар дар шакли электронӣ амалӣ мегардад. Дар давраи мазкур 38 санади меъёрии ҳуқуқӣ аз инвентаризасия гузаронида шуда, ба онҳо тағйиру иловаҳо ворид гардиданд.