ҶОМЕА
Якшанбе 07 Март 2021 10:52
7583
ТАБРИКОТИ АБДУЛЛО РАҲМОНЗОДА, РАИСИ КУМИТАИ КОР БО ҶАВОНОН ВА ВАРЗИШИ НАЗДИ ҲУКУМАТИ ҶУМҲУРИИ ТОҶИКИСТОН БАХШИДА БА РӮЗИ ПАРЧАМИ ДАВЛАТИИ ҶУМҲУРИИ ТОҶИКИСТОН    
  
Ҷавонон созандагони Тоҷикистони соҳибистиқлол варзишгарон парчамбардорони меҳани маҳбуб!

Дар ибтидо ҳар яки шуморо ба муносибати Рӯзи Парчами давлатии Ҷумҳурии Тоҷикистон муборакбод гуфта, бароятон сарбаландӣ, комёбӣ ва бурдбориҳо таманно дорам.

Ҷашн гирифтани Рӯзи Парчами давлатӣ барои ҳар яки мо сокинони ин сарзамини биҳиштӣ боиси ифтихору сарфарозист. Агар ба умқи таърих нигарем, дармеёбем, ки дар масири давр омили аслии давлату давлатдорӣ ва шинохти ҳар як миллат аз парчами он сарчашма мегирад.

Ҷумҳурии Тоҷикистон пас аз ба даст овардани Истиқлоли давлатӣ дар баробари дигар муқаддасоти миллӣ Парчами давлатии хешро 24 ноябри соли 1992 қабул намуд, ки минбаъд он муаррифгари кишвари азизамон дар арсаи байналмилалӣ гардид. Дуруст аст, ки Парчамро яке аз рукнҳои муҳими давлатдорӣ ва нишони ҳастии миллату давлатҳо ном мебаранд. Имрӯз мо хеле хушбахтем, ки дорои Парчами миллии худ ҳастем.
Мо имрӯз ифтихор аз он дорем, ки дар баландтарин минбарҳои ҷаҳонӣ ва созмонҳои байналмилалӣ қатори парчамҳои дигар кишварҳо Парчами мо низ болафшонӣ мекунаду ҷаҳониён ба он арҷ мегузоранд. Таърих гувоњи он аст, ки миллати тоҷик аз азал дорои парчами худ буду ҳамеша баҳри ҳифзу нигаҳдошти он талошҳо намудааст.

Парчам чун рамзи давлатдорӣ ва сулҳу суботи комил дорои неруест, ки тамоми аҳолиро дар меҳвари худ бо самимият ҷамъ меовараду ба онҳо ҳисси баланди ватандӯстиву хештаншиносиро тақдим месозад, то дар роҳи ҳифзи меҳан ҳамеша содиқ бошанду барои рушду нумуъ бахшидани он талош намоянд.

Хеле хуб аст, ки имрӯз баробари дигар қишрҳои ҷомеа ҷавонону варзишгарон мо баландбардорандаи Парчами кишвари хешанду ҳамеша саъю талош менамоянд, ки тавассути кору фаъолият, меҳнати софдилонаву содиқона ва иштирок дар мусобиқаҳои байналмилалӣ парчами давлати худро баланд бардоранд.

Қарзи имрӯзаи ҳар яки мо шаҳрвандон хоса ҷавонон аст, ки ин рамзи ватандориву ватандӯстӣ, худшиносиву худогоҳии миллиро гироми дорем баҳри ҳамеша парафшон буданаш ҷаҳду талош варзем. Мо бояд ҳамеша зери ливои муқаддаси хеш муҳофизи манфиатҳои давлату миллати худ бошем ва то ҷон дар бадан дорем, онро баланд бардорему ҳифзаш кунем.

Таманно дорем ҳамеша Парчами давлатӣ, ки рамзи давлатдориву соҳибватанӣ, сарҷамъии миллат ва пайвандгари дирӯзу имрӯзи миллати тоҷик аст, то абад парафшон бошад!

Рӯзи Парчами давлатӣ муборак ҷавонону варзишгарони гиромӣ!

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.