12 октябри соли ҷорӣ дар шаҳри Қӯрғонтеппа дар мавзӯи “Танзим-баракати зиндагӣ” мизи мудаввар баргузор гардид.

Чорабинӣ дар доираи “Барномаи миллии рушди иҷтимоии ҷавонон барои солҳои 2016-2018” доир гардида, дар он 60 нафар ҷавонони касбу кори гуногун, аз он ҷумла гирандагони стипендяи президентӣ, хонандагони муассисаҳои таҳсилоти миёнаи умумӣ, донишҷуёни Донишгоҳи давлатии Қӯрғонтеппа ба номи Носири Хусрав, Колеҷи омӯзгорӣ, Колеҷи тиббӣ, Литсеи касбӣ-техникии шаҳри Қӯрғонтеппа, ихтиёриёни Раёсати кор бо ҷавонон ва варзиши вилоят иштирок намуданд.

Мақсад аз баргузории чорабинии мазкур расонидани моҳияти Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷиикистон” мебошад. Маърӯзачиён дар рафти мизи мудаввар таъкид ба амал оварданд, ки моро мебояд, ҷонибдорӣ аз қонунҳои амалкунандаи Тоҷикитсон намуда, барои баланд бардоштани сатҳи некуаҳволии зиндагиямон кӯшиш ба харҷ диҳем.

Мизи мудаввар бо ташаббуси Раёсати кор бо ҷавонон ва варзиши вилояти Хатлон роҳандозӣ шуда, дар фарҷом фаъолон бо туҳфаҳои хотиравӣ қадр гардиданд.