Имрӯз таҳти ин унвон дар Вазорати рушди иқтисод ва савдои Ҷумҳурии Тоҷикистон бо иштироки Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамоиш баҳри татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” доир шуд.

Таъкид гардид, ки замони муосир аз тамоми қишрҳои ҷомеа тақозо менамояд, то эҳсоси ватандӯстии худро тақвият бахшанд ва баҳри ҳифзи арзишҳои миллию давлатдорӣ дар талош бошанд. Зеро маҳз ватандӯстию арҷ гузоштан ба арзишҳои миллӣ маҳаки асосии пойдории ҳар як давлату миллат дар замони зудтағйирёбанда ба ҳисоб меравад. Ҳамин аст, ки дар кишвар Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” қабул гардид.

Дар интиҳои ҳамоиш ба чанде аз кормандони Вазорати рушди иқтисод ва савдои Ҷумҳурии Тоҷикистон Сипосномаи Кумитаи кор бо ҷавонон ва варзиш дар фазои тантанавӣ супорида шуд.

А. МУҲАММАД, “ҶТ”