ҶОМЕА
Шанбе 25 Май 2024 11:33
9759
Идомаи ҳамоишҳо аз ҷониби КҶВ

8 ноябр дар Донишгоҳи аграрии Тоҷикистон ба номи Шириншоҳ Шоҳтемур ҳамоиш зери унвони “Тарбияи ватандӯстии шаҳрвандон-омили таҳкими пояҳои давлатдории миллӣ” баргузор гардид.

Дар ҳамоиш Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Маҳмадёрзода Усмон, ректори Донишгоҳи аграрии Тоҷикистон ба номи Шириншоҳ Шоҳтемур иштирок ва суханронӣ намуданд.

Чорабинии мазкур баҳри тақвияти Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” баргузор гардида, зимни он гуфта шуд, ки дар замони мураккаби ҷаҳонишавӣ қабули қонуни мазкур саривақтӣ буда, ҳамаи қишрҳои ҷомеаро лозим аст, ки дар ин замина зиракии сиёсиро аз даст надода, баҳри ҳифз ва рушди давлати соҳибистиқлоли худ кӯшиш ба харҷ диҳанд.

Дар фарҷом ба чанде аз кормандони Донишгоҳи аграрии Тоҷикистон барои гузоштани саҳми муносиб дар самти баланд бардоштани ҳисси ватандӯстӣ, ҳувияти миллӣ ва эҳсоси худшиносии ҷавонон Сипосномаи Кумитаи кор бо ҷавонон ва варзиш тақдим гардид.

Г. КАРИМОВА, “ҶТ”

Эзоҳи худро нависед



Рамзҳо дар расм