Волонтёрону масъулини Бахши кор бо ҷавонон ва варзиши ноҳияи Мурғоб аз ҳисоби худ ба оилаҳои ниёзманд, шахсони калонсолу барҷомондаи ҷамоати Мурғоб маводҳои аввали мавриди ниёзи тиббӣ ва гигиенӣ тақдим намуданд.

Ба гуфтаи масъулини бахш қариб ҳамарӯза ҷавонону волонтёрони ноҳия аз ҳолу аҳволи ин табақаи аҳолӣ хабар гирифта, дар мавридҳои зарурӣ дар ҳамкорӣ бо идораву мақомоти маҳаллӣ ба онҳо ҳама гуна кумакҳо мерасонанд.

Чунин иқдоми хайрхоҳонаи ҷавонон дар дигар ҷамоатҳои ноҳия ҳам роҳандозӣ хоҳад шуд.