Бо ҳадафи пурзӯр намудани корҳои фаҳмондадиҳиву ахборотдиҳӣ дар робита бо пешгирӣ аз паҳншавии бемории сироятӣ COVID-19 дар ноҳияи Дарвоз бо ибтикори Бахши кор бо ҷавонон ва варзиши ноҳия Ситоди доимамалкунанда таъсис дода шуд.

Ба иттилои масъулини бахш, ситод аз ҳисоби кормандони бахшу масъулини мактаби варзишӣ алакай ба фаъолият оғоз намуда, вобаста ба пешгирии беморӣ дар мактабҳои таҳсилоти миёнаи умумии № 1 ,4, 5, 42, 17, 40, клуби варзишии «Вастан» ва муассисаи давлатии мактаби варзиши ноҳия силсиламулоқотҳоро пиёда кард. Инчунин тамоми толорҳои варзишӣ ва таҷҳизоти дохили онҳо бо маҳлули хлорӣ шустушӯ карда шуд.

Мавриди зикр аст, ки ин иқдом дар асоси нақшаи чорабиниҳои фаврии Кумитаи кор бо ҷавонон ва варзиши назди Ҳукумати Ҷумҳурии Тоҷикистон сурат гирифт.