Дар шаҳри Хоруғ дар доираи Барномаи устуворгардонии шаҳр дар мавзӯи “Таваҷҷуҳ ба муҳити зист ва тағйирёбии иқлим" семинари омӯзишӣ доир гардид.

Семинар бо ҳадафи ташкилу роҳандозии маҳфилҳо дар робита бо масъалаи тағйирёбии иқлим, омода намудани тренерон аз ҳисоби ҷавонону наврасон дар ин самт, баланд бардоштани маърифати экологӣ ва гузаронидани чорабиниҳои омӯзишӣ миёни аҳолии шаҳр гузаронида шуд.

Дар семинар хонандагони МТМУ, омӯзгорони онҳо ва ҷавонон дар доираи лоиҳаи “Ташаббуси банақшагирӣ ва тасдиқи консепсия” – и барнома нозукиҳои мавзӯъро аз худ намуданд.