Соли 2019 дар ҷумҳурӣ 6516 муассисаҳои таълимию томактабӣ ба қайд гирифта шудааст, ки дар онҳо 2083736 нафар ба таҳсил ва таълиму тарбия фаро гирифта шудаанд.

Ин нуктаро Муҳаммадюсуф Имомзода, вазири маориф ва илми кишвар зимни нишасти хабарӣ иброз дошта, дар идома гуфт, ки дар 84 муассисаи таҳсилоти иловагӣ, ки дар онҳо 1657 маҳфил амал мекунад, 54 757 нафар хонанда ба омӯзиш ва машғулиятҳои гуногун ҷалб гардидаанд.

Ба иттилои вазир дар соли 2019 барои рушди соҳаи маориф аз тарафи буҷети давлатии Ҳукумати Ҷумҳурии Тоҷикистон ба маблағи 4 миллиарду 404 миллиону 877 ҳазор сомонӣ ҷудо карда шуда буд, ки нисбат ба соли 2018, 616 682 780 сомонӣ ё худ 14 фоиз зиёд мебошад.