ҶОМЕА
Душанбе 21 Октябр 2019 06:05
6307
Шумораи занҳои хизматчиёни давлатии шаҳрвандӣ то санаи 1 июли соли ҷорӣ дар ҷумҳурӣ 4432 нафар ё 23,5%-и хизматчиёни давлатиро ташкил медиҳад. 
Давлатов Ҷумъа, директори Агентии хизмати давлатии назди Президенти Ҷумҳурии Тоҷикистон, 1 август, зимни нишасти матбуотӣ дар ин хусус ба рӯзноманигорон иттилоъ дод.

Номбурда дар шарҳи шумораи хизматчиёни давлатии шаҳрвандӣ аз ҳисоби занон гуфт: “Дар ин самт дар се моҳи охир шумораи занҳо 32 нафар афзудааст. Ташвишовараш ин аст, ки ин шумора нисбати ҳамин давраи соли гузашта 25 нафар кам аст. Дар ин самт каму зиёдшавӣ ба назар мерасад ва мо оиди ин масъала махсусан дар семоҳаи дуюм дар назди мақомоти давлатӣ ҷиддӣ масъалагузорӣ кардем”.

Таъкид гардид, барои занҳое, ки маротибаи аввал ба хизмати давлатӣ ҳуҷҷат месупоранд, баъзе имтиёзҳо муқаррар шудааст ва ин имтиёз он аст, ки се холи иловагӣ дар озмун муқаррар карда мешавад. Бо истифодаи ҳамин се холи иловагӣ дар шаш моҳи аввали соли равон 36 нафар зан ба хизмати давлатӣ ворид шудааст. 

Давлатов Ҷумъа, директори Агентии хизмати давлатӣ дар интиҳои суханронии хеш вобаста ба зиёд намудани хизматчиёни давлатӣ аз ҳисоби занҳо афзуд: “Дар оянда аввал то ба 25% ва баъдан ба 40% расонидани теъдоди занҳо дар соҳаи хизмати давлатии шаҳрвандӣ нақшаҳо дорем”.  

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.