Дар ҷамоати деҳоти “Танобчӣ”-и ноҳияи Темурмалик корхонаи хурди адрасбофӣ ва пашмресӣ ба истифода дода шуд.
 
 Корхона дорои ҳашт дастгоҳи адрасу атласбофӣ ва 5 дастгоҳи пашмресӣ мебошад, ки дар он 34 нафар занони хонашини бешуғл омӯзонида шуда, ба кори музднок фаро гирифта шуданд. Айни ҳол аз ҳисоби ашёи хоми маҳаллӣ истеҳсоли пойафзоли пашмӣ, қолинҳо, дастпӯшакҳо ва дигар маҳсулотҳои миллӣ ба роҳ монда шудаанд.
 
 Мудири шуъбаи кор бо занон ва оилаи ноҳия Фотима Холбобоева дар суҳбат гуфт, ки: “Ба мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оид таъсиси ҷойҳои нави корӣ барои занони бешуғл, аз нав эҳё ва равнақ додани ҳунарҳои мардумӣ, аз қабли гилембофӣ, қолинбофӣ, зардузӣ ва ғайра тадбирҳои зарурӣ андешида мешавад”.
  
Умед МИРЗОЕВ, “ҶТ”