ҶОМЕА
Панҷшанбе 03 Июл 2025 06:47
Масъалаи тағйирёбии иқлим дар қатори дигар давлатҳои дунё ба Тоҷикистон низ бетаъсир намондааст ва гарчанде ҳиссаи Тоҷикистон дар ҳаҷми партови газҳои гулхонаӣ дар миқёси ҷаҳонӣ кам бошад ҳам, аммо кишвари мо аз лиҳози иқлим яке аз кишварҳои осебпазир ба оқибатҳои тағйирёбии иқлим эътироф шудааст. Ин нукта дар нишасти матбуотии Кумитаи ҳифзи муҳити зисти назди Ҳукумати Ҷумҳурии Тоҷикистон зикр карда шуд.
Раиси кумита Шерализода Баҳодур гуфт, вобаста ба ин ва дигар масоили марбут ба коҳиш додани хавфу хатарҳои экологӣ ва дар ин замина баланд бардоштани маърифати экологии аҳолӣ аз ҷониби сохторҳои дахлдори Кумита нақшаву барномаҳои давлатӣ таҳия ва мавриди амал қарор дода шудаанд. Масалан, тибқи нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” комиссияи назорати татбиқи барнома ташкил дода шуда, корҳои амалӣ оғоз шудаанд. Тибқи барномаи мазкур маҳфили эко-журналистон ташкил шуда, чорабиниҳои он дар Мамнуъгоҳи “Бешаи палангон” дар вилояти Хатлон ва шаҳри Турсунзода гузаронида шуд. Зикр гардид, ки “Бешаи палангон” яке аз нодиртарин мавзеъҳои табиии давлатӣ ва дорои захираҳои табиӣ ва олами набототу ҳайвоноти беназир буда, қарор аст, ба феҳрасти байналмилалии мероси табиии Юнеско дохил карда шавад.
Таъкид гардид, ки айни ҳол дар мамлакат ҳолати нигоҳдории ҳайвоноти нодир беҳтар шуда, афзоиши табиии онҳо аз 7,9% ба 25% расидааст.
Ҳамчунин аз ҷониби Кумита дар ҳамкорӣ бо шарикони рушд якчанд лоиҳаҳои грантӣ татбиқ шуда истодаанд, ки яке аз онҳо Лоиҳаи “Мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал” буда, айни ҳол татбиқи марҳилаи дуюми он шуруъ шудааст.
Дар нимсолаи аввали соли ҷорӣ бо мақсади беҳдошти муҳити зист ва таъмини амнияти экологии аҳолӣ дар шаҳру навоҳии ҷумҳурӣ 875 адад аксияҳои экологии “Тозагии соҳил” бо иштироки 314 ҳазору 540 нафар гузаронида шуда, зиёда аз 4327,93 м3 партовҳои истеъмолӣ ва сахти маишӣ аз кӯчаю маҳаллаҳо ҷамъоварӣ ва ба партовгоҳҳои расмӣ бароварда шуд.
Ҳолати кунунии партовгоҳҳои сахти маишӣ ва коркарди маҳсулоти пластикӣ аз мушкилоти ҳалталаби соҳа арзёбӣ шуданд.
Раиси кумита Шерализода Баҳодур гуфт, вобаста ба ин ва дигар масоили марбут ба коҳиш додани хавфу хатарҳои экологӣ ва дар ин замина баланд бардоштани маърифати экологии аҳолӣ аз ҷониби сохторҳои дахлдори Кумита нақшаву барномаҳои давлатӣ таҳия ва мавриди амал қарор дода шудаанд. Масалан, тибқи нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” комиссияи назорати татбиқи барнома ташкил дода шуда, корҳои амалӣ оғоз шудаанд. Тибқи барномаи мазкур маҳфили эко-журналистон ташкил шуда, чорабиниҳои он дар Мамнуъгоҳи “Бешаи палангон” дар вилояти Хатлон ва шаҳри Турсунзода гузаронида шуд. Зикр гардид, ки “Бешаи палангон” яке аз нодиртарин мавзеъҳои табиии давлатӣ ва дорои захираҳои табиӣ ва олами набототу ҳайвоноти беназир буда, қарор аст, ба феҳрасти байналмилалии мероси табиии Юнеско дохил карда шавад.
Таъкид гардид, ки айни ҳол дар мамлакат ҳолати нигоҳдории ҳайвоноти нодир беҳтар шуда, афзоиши табиии онҳо аз 7,9% ба 25% расидааст.
Ҳамчунин аз ҷониби Кумита дар ҳамкорӣ бо шарикони рушд якчанд лоиҳаҳои грантӣ татбиқ шуда истодаанд, ки яке аз онҳо Лоиҳаи “Мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал” буда, айни ҳол татбиқи марҳилаи дуюми он шуруъ шудааст.
Дар нимсолаи аввали соли ҷорӣ бо мақсади беҳдошти муҳити зист ва таъмини амнияти экологии аҳолӣ дар шаҳру навоҳии ҷумҳурӣ 875 адад аксияҳои экологии “Тозагии соҳил” бо иштироки 314 ҳазору 540 нафар гузаронида шуда, зиёда аз 4327,93 м3 партовҳои истеъмолӣ ва сахти маишӣ аз кӯчаю маҳаллаҳо ҷамъоварӣ ва ба партовгоҳҳои расмӣ бароварда шуд.
Ҳолати кунунии партовгоҳҳои сахти маишӣ ва коркарди маҳсулоти пластикӣ аз мушкилоти ҳалталаби соҳа арзёбӣ шуданд.
Хабарҳои дигар
Рӯзнома
Эзоҳи худро нависед